tlhIngan-Hol Archive: Tue Sep 17 16:46:50 1996
[Date Prev][Date Next][Thread Prev][Thread Next]
juHHom chu' vIghajchoH
- From: "William H. Martin" <[email protected]>
- Subject: juHHom chu' vIghajchoH
- Date: Tue, 17 Sep 1996 19:46:39 -0400 ()
- Priority: NORMAL
charghwI'vo':
loSHu' juHHom chu'Daq DochmeywIj vI'elmoH. ngaSwI'Daq bIH
Hoch'e'. loQ QatlhchoH yInwIj 'a jIbepnISbe'. chaq tugh Dub
ghu'wIj.
Qu'vam vItoy'taHvIS jabbI'IDghomvam vIlaDlaHbe'pu' 'a
jIbepnISbe'. chaq tugh Dub ghu'wIj.
Qu'vam vItoy'taHvIS maghomlaHbe' bangwI' jIH je, 'a
jIbepnISbe'... jIbepnISbe', 'a chaq loQ jIbepqang...
maghomlaHbe'mo' loQ jIbItchoHtaH...
yIcholQo'. chaq qachop.
jan chu' vIje'ta'. ghu'mey wanI'mey je luleghlu'bogh 'ej
luQoylu'bogh qon janvam. machqu'. vItIvqu'. chaq qep'a'
loSDIchDaq janvam vIlo'laH. qep'a' wejDIchDaq janvam rurbogh
jan'e' lo' *ghunchu'wI'*. jIHvaD janDajvo' ta ngeH *ghunchu'wI'*
'e' lay' *ghunchu'wI'*, 'ach lIjlaw'pu'.
qay'be'. jIbepnISbe'. Daq HurghDaq jIba'taH neH. {{:)>
yaHwIjDaq ghu'wIj choHchoHmoHtaH pInmeywIj. (HIja, chIch <-mey>
vI'lo'. Dat pInpu' law' vIghaj.) Dub'a' ghu'wIj? qabchoH'a'
ghu'wIj. jISovbe', 'ej vISeHlaHbe'mo' loQ jISaHbe'. qaSDI' qaS.
reH Suvrup SuvwI'a'.
jabbI'IDmey vIlaDta'be'bogh law' law' vaghvatlh jabbI'IDmey law'
puS. Qu'vetlh vItoy'qa'meH DaH vImev.
charghwI'