tlhIngan-Hol Archive: Thu Nov 21 00:40:45 1996
[Date Prev][Date Next][Thread Prev][Thread Next]
Star Trek: qep wa'DIch (no spoilers)
- From: Qov <[email protected]>
- Subject: Star Trek: qep wa'DIch (no spoilers)
- Date: Thu, 21 Nov 1996 00:39:40 -0800
DaHjaj much *Star Trek: First Contact* vIleghta' 'ej vItIvqu'.
jabbI'IDvamDaq lut vI'angQo' .
tlhIngan QuchwIj jechwIj je vItuQba' *Star Trek* yej'an vItlhejtaHvIS. SaH
tlhIngan Hol jatlhchu'bogh loD jatlhmo' jupwI' jISey. Do'Ha' jatlhQo'
loDvetlh. cha' ben tlhIngan Hol laHDaj nIv law' Hoch beqDaj laH nIv puS ja'
'ach DIvI' Hol lo' 'ej jangbe' tlhIngan Hol vIjatlhDI'. <Qapla'> jatlhmeH
mughoS puq law' 'ej wejlogh <nuqDaq 'oH puchpa''e'> vIQoy. (nuvpu' vImer
jIjangDI' <pa'. poSDaq tu'lu'.>) retlhwIjDaq Qam wa' puqloD 'ej DIvI' Hol
jatlhtaHvIS <tlhInganna' SoHbe'> maqtaH. <Human neH SoH> jIjang.
<tlhInganna' Daghovbe'>. jang puqloD <vISaHbe'> -- tlhIngan Hol lo'bej
ghaH. jIjangpa' Haw' Human mach. chaq mumermo' jIqu'choHlaw' 'ej vIghIj.
tlhIngan mu' puS Sovlaw' nuv law'.
loQ Star Trek qun choH lut. DaH tera'ngan ghaHlaw' *Zephram Cochrane*'e'
'ach vIlajqang lut vItIvqu'mo'.
---
Qov (Robyn Stewart) [email protected] tlhIngan Hol ghojwI'