tlhIngan-Hol Archive: Fri May 31 08:26:34 1996
[Date Prev][Date Next][Thread Prev][Thread Next]
taH Qu' (3/3)
- From: "Robyn Stewart" <[email protected]>
- Subject: taH Qu' (3/3)
- Date: Fri, 31 May 1996 08:25:28 PST
- Organization: NLK Consultants, Inc.
- Priority: normal
-------'ay' wej------------------------
yuch ngaSbogh mep'e' poSmoH 'ej yuch 'ang. loQ tetpu'. DaSDajvo'
tajDaj lel. yuch pe'meH taj lo'. yuch 'ay' Sop ghaH. mubej ghaH.
jIba'taH. <SepvamDaq SaH rewbe' 'e' chaw'be'lu'> ja'. <qatlh naDev
bISaH?>
qutluchwIj vIghaj. ghaH vIbej 'ej HughDaj vIbuS. jIQamchoHlaHchugh
ghaH vIHoHlaH jatlhtaHvIS.
<malja'> jIvIt.
vIbej 'e' legh. <bIghunglaw'. rewbe'vaD Qatlh veS. tugh rInta' veS.>
yuch 'ay'Hom pe'. HIpDajDaq navHey tu' 'ej yuch qatmeH nav lo'.
jIHvaD yuch qatbogh chagh. jIQamrup. tugh HughDaj vISIj.
pe'vIl <DaH naDevvo' yIghoS! qaleghqa'chugh qabachbej> ra'. jIHvo'
DoH. pu'HIch Qeqqa'. Qovpatlh! 'eb vIjonbe'ta'. yuch vIwoHtaHvIS
qutluch vISo'.
QIt jIQamchoH. 'oy'ba' 'uSwIj 'a 'oy' vISIQlaH jIH. mubejtaH yaS.
jIrIghchu'. QIt ghaHvo' jIyItbej. tugh Hurghqu'mo' muleghlaHbe'bej.
jIyIttaH.
pay' SIH 'uSwIj rIQ 'ej jIpum. bong yuch ngaSbogh nav'e' poS'eghmoH
'ej ramDaq DIng yuchwIj. nav chIm neH ratlh. bIQDaq jISaq. loQ
ngengHomDaq jIQotlaw'. bIQ bIngDaq nItlhwIj pe'law'pu' baSHey.
yIntagh! tugh muchop yIHmeyHey 'e' vIpIH.
baSHey vInuD. QumwI'qoqwIj 'oH jay'. lam bIQ je vIteqmeH vIjoq 'ej
vIqIp. pay' wovchoH SeHlawDaj. loQ chuS 'oH. Qapqa'bej
QumwI'na'wIj! ram Hurghmo' wovqu'law' 'ej nom 'oH So'lu'meH nav
vIlo'. jI'Ij Se' lugh HotlhtaHvIS QumwI'. DaH navvam vIleghchu'.
navDaq jang mangghomvaD Supmey Dupmey je ghItlhlu'! bong ra'bogh nav
munob yaS QIp. tugh rInbejta' veS!
QumwI' poSvo' mochwI' ghogh vIQoy <QuvlIj maghaj. yIjolrup!>
ngengHomDaq jIQottaHvIS muSoD jol.
bIQDaq maSwovHey neH leghlaH yaS Sam.
--------rIn lut-------------------------------------------------------
jIbIt. vIghItlhbogh lutmey laD ghot not 'e' vIchaw'. - wovwI'ra'
P.S. Sorry about the formatting in the parts one and two. My mailer
wordwraps before the text editor from which I imported the story.
Robyn Stewart - NLK Consultants Inc. - [email protected]