tlhIngan-Hol Archive: Fri May 31 08:22:35 1996
[Date Prev][Date Next][Thread Prev][Thread Next]
taH Qu' (2/3)
- From: "Robyn Stewart" <[email protected]>
- Subject: taH Qu' (2/3)
- Date: Fri, 31 May 1996 08:21:31 PST
- Organization: NLK Consultants, Inc.
- Priority: normal
-----'ay' cha'-------
'engDaq narghqa' maS wa'DIch. loDHey vIleghlaHlaw'. chuS DaSmeyDaj
'ej
Hovmey puS bot porghDaj. chIch yIt 'ej Hatlh nuDlaw'. jagh mangna'
ghaH.
nom ngengHomDaq QumwI'wIj lI'be' vIwoD. mungu'chugh muHoH qoj mujoy'.
vaj Qu'wIj vIta'laHbe'. tIDaq 'uS rIQ vISo'moH.
chollaw' mang. jItamchoHchu'. vangbe' SomrawDu'wIj. jIghoqmeH
HIpwIj
vItuQbe'-- Sung jech vItuQ. yIvbeH Hurghmo' muleghlaHbe' 'e' vItul.
ghoSbej. Samqu' muleghbej. pu'HIchDaj Hot ghopDaj.
pu'HIch QeqDI' <'Iv SoH? mu' pegh yIjatlh!> muyu'. yaSHey ghaH.
bachbeH pu'HIch. muHoHqanglaw' yaS. chay' jIyInmeH jIjanglaH?
qaSDI'
ramjep yIt 'Iv? wa' meq vISov. wuSDu'wIj vIroS 'ej jIbwIj vIlIS.
<rrrghghghghgh 'oH mu'wIj pegh'e'> jIjang. <reH SoHvaD peghmeywIj
vI'angqang>. yIvbeH vItuQHa'choHmoH. <choneH'a'?> vItlhob
jInoghtaHvIS. <qabelmoHlaHbej choDIlchugh. Huch Daghaj'a'?>
jIlImqangbe'. jIlImQo' muHar'a'? joq pu'HIch. mu'Ij ghaH.
<wejpuH.
jIHvaD bIDajbe'> jang. leSlaw'taH. mon. vaHDaq pu'HIch roQ. <naDev
nIngaghmeH nIDIlqangbogh loD 'ar Datu'> tlhob. yaSna' ghaH.
'onglaw'.
Quchlaw''a' QaSDaj 'e' Sov neHbej.
<jIQatqu' jIpo'mo'> vIjang jIbwIj vInuDtaHvIS. jIQujnIS.
QujlaH je ghaH. <yuch vIghaj> yuchDaj tIn law' ro'wIj tIn puS 'e'
vIleghlaH.
Soj 'oH yuch'e'. jIghungqu'. tugh SojvaD porghwIj vIngevruplaw' 'e'
vIQub. 'ach <yapbe'> vIjang. <yuchmo' jItuQHa'qangbe'moH>.
Hagh neH. <porghqoqlIj vIneHbe'>. retlhwIjDaq Qam. nuq 'oH nabDaj'e'
jay'? pIH'a'? QeH'a'?
--------tlha'nIS 'ay' wej--------------Robyn Stewart - NLK Consultants Inc. - [email protected]