tlhIngan-Hol Archive: Wed May 22 06:15:14 1996
[Date Prev][Date Next][Thread Prev][Thread Next]
Re: lIH'egh vay'
According to [email protected]:
>
> In a message dated 96-05-21 15:04:25 EDT, SanQIb wrote:
>
> >>>BTW don't you think it's a bit exclusive to write in a language most
> >>>of the participants don't understand ?...
>
> qoHpu'! jabbI'IDghomvam bolaDtaHvIS, qatlh botlhob <Hol wIjatlhqangbogh 'oH
> nuq'e'>? tlhIngan Hol yIjatlhtaH! 'ach tlhIngan Hol Dajatlhchu'be'chugh,
> vaj DIvI' Hol yIjatlh. *Okrand* tlhIngan Hol mu'ghomDaq *English* 'oH DIvI'
> Hol jatlh. tera'Daq *English* jatlhnIS Hoch 'e' vIQubbe'qu', 'ach *English*
> 'oHmo' DIvI' Hol, 'ej *English* ghItlhpu'mo' *Okrand*, tlhIngan Hol
> wIjatlhlaHbe'taHvIS, *English* wIjatlhnIS.
jIQochbe'chu'.
> *English* vIjatlhchu'. tlhIngan Hol vIjatlhlaH. loQ *Spanish* vIjatlhlaH.
> 'ach *English* jatlhlaHmo' ghot law', *English* wIjatlhtaH 'e' vIchup.
qay'be'.
> Saja': qaStaHvIS wej tera'ngan Hogh, qorDu'wIj SuchtaH *Germany*ngan.
> *English* jatlhchu'be', 'ach jatlhDI', reH Hoch vIyaj. jatlh *Germany*ngan
> ghojwI': *English* ghojnIS ghotpu'. tugh Dat *English* jatlhlu'.
> *England*ngan Ho, *America*ngan Hol joq neH 'oHbe'. yuQ Hol 'oHchoHtaH.
> qabbe'. ghu' 'oH.
tera'Daq *China*ngan Hol jatlhbogh nuvpu''e' law' law'
*England*ngan Hol jatlhbogh nuvpu''e' law' puS. Huch lughaj
*England*ngan Hol jatlhbogh nuvpu''e'. potlhlaw' Huch vaj
potlhlaw' Huch lughajbogh nuvpu' vaj potlhlaw' *England*ngan
Hol. Huch ghajchoHchugh *Ireland* vaj *Gaelic* ghojchoH Hoch.
It's like the current Klingon dialect. It changes depending on
who is most powerful.
> *Germany"ngan ghojwI' vuD, vuDwIj neH 'oH. DaQochchugh, vaj betleHlIj
> Dalo'rup!
qIpchuq QuchDu'maj 'e' vImaS.
> SuStel
> Hovjaj 96388.4
charghwI'
--
reH lugh charghwI' net Sov.