tlhIngan-Hol Archive: Wed Mar 13 08:57:31 1996
[Date Prev][Date Next][Thread Prev][Thread Next]
bom Dogh
- From: Alan Anderson <[email protected]>
- Subject: bom Dogh
- Date: Wed, 13 Mar 96 11:08:51 EST
lurDech vItIvqu'bogh ghaj SoSwI' qorDu'.
wanI' wIlopmeH maghomDI' bom Dogh wIbom.
tugh qoSmey DIlopmeH maghom vaj bomvam wIbomqa'bej.
wejmaH Hu' maghom 'e' wInID, 'ach yeqQo' muD.
"New York"Daq peDqu'pu' vaj puvtaHbe' lupwI'mey.
qepDaq Dach qoS loptaHbogh ghot'e'!
<Hey lolly> ghov'a' vay'? bom 'ay' wa'DIch yIlegh:
"This is such a silly song (hey lolly, lolly lo).
Everybody sing along (hey lolly, lolly lo)."
wanI' luDelmeH bom 'ay'mey latlh 'ogh Hoch.
pIj tlhaQqu' ghotpu' 'ay'mey val. Hagh Hoch.
rut Doghqu' 'ay'mey. "groan" Hoch.
bom 'ay' Qav vI'ang:
"Before this song gets any worse (hey lolly, lolly lo),
We'd better make this our last verse (hey lolly, lolly lo)."
chaq jItaQ 'ach vIbommeH tlhIngan Hol vIlo' vIneH
vaj bomvam vImughpu'. yIlaD. yItIv.
Doghqu' bomvam net Sovbej (hey lolly, lolly lo)
Ha'! mabomtaHvIS chetlhej (hey lolly, lolly lo)
peDqu'mo' jutlhej 'e' bot muD (hey lolly, lolly lo)
'ach chevlaHbe'chu' jenbogh HuD (hey lolly, lolly lo)
Supawchu'pu'mo' vItIvtaH (hey lolly, lolly lo)
DaH SuSaHtaHmo' maloplaH (hey lolly, lolly lo)
taQqu'choHtaHpa' bomvam (hey lolly, lolly lo)
'oH wImevnIS vaj matam (hey lolly, lolly lo)
chaq bom 'ay' latlh vI'ogh. 'ach qorDu'vaD jIbomchugh chay' Qub chaH?
--------------------------------------------
Alan Anderson Delco Electronics
{ghunchu'wI'} Remanufacturing Services
Test Equipment System Software Group