tlhIngan-Hol Archive: Fri Jul 26 13:22:07 1996
[Date Prev][Date Next][Thread Prev][Thread Next]
*'atlantaDaq qaStaHvIS *'olImpIq
- From: "Mark J. Reed" <[email protected]>
- Subject: *'atlantaDaq qaStaHvIS *'olImpIq
- Date: Fri, 26 Jul 96 16:21:41 EDT
mu' chu' vIDoH 'e' vInID, 'ach pongmey poS vIghItlh tlhIngan Hol Deghmey
vIlo'taHvIS vIneH. toH:
yu'eS'ey == USA (DIp) tera' Sep pong
ghIrIS == Greece (DIp) latlh tera' Sep pong
jorja == Georgia (DIp) yu'eS'ey Sep pong
'atlanta == Atlanta (DIp) jorja monveng pong
'olImpIq == Olympics (DIp) Hoch yuQ 'oSbogh Qujmey'e'
'atlhIn == Athens (DIp) ghIrIS monveng pong. naDev qaS wa'DIch
'olImpIq Qujmey.
SaraH == SaraH (DIp) <[email protected]> laDwI' (qavan!)
pongmeyvam vIlo'DI', nung '*'.
"reside" vIjatlhmeH {yIn} vIlo' 'ej "(sporting) event" vIjatlhmeH
{wanI'} vIlo' 'e' tItu' je.
DaH lutwIj vItaghlaH.
*'atlantaDaq jIyIn. DaH naDev qaStaH *'olImpIq Qujmey ghaytan 'e' boSov.
*'atlantaDaq (chaq ghap latlh *'olImpIq vengDaq) SuyInbe'chugh, ghu'
boyajlaHbe'. nuquvmoHqu' - nuwIv *'olImpIq yej, 'ovtaHvIS *'atlhIn - 'ej le'
*'olImpIqvam, vatlhben qaSmo' wa'DIch *'olImpIq Qujmey. jIHem.
'ach Dunbe' Hoch. batlhHa' vang *'atlanta *'olImpIq Qujmey yejHom ("<ACOG>"
ponglu'bogh) 'e' lupum ghotpu' law'. motlh lutvam: *'atlanta Hat
luqeltaHvIS <ACOG>, nep. jar Soch qaStaHvIS, tujqu' *'atlanta ('ej
qu'qu' *'atlanta tuj) - 'ach '*olImpIq yejvaD ja'taHvIS <ACOG>, loQ tuj luja'.
chaq vItchugh <ACOG>, *'atlhInDaq qaS Qujmeyvam. vaj quvHa' *'atlanta.
taghDI' Qujmey, Qujmey potlh law' <ACOG> Qaghmey potlh puS 'e' vItul.
'ach 'argh ghu' neH. Hoch vu'Ha'pu' <ACOG>. wanI'chajDaq 'ovwI'pu'
luplaHbe'. tujmo' ('ej yapbe'mo' bIQ) rop tu'wI'pu'.
juHmeychaj ghoSlaHbe' *'olImpIq vengHom retlhDaq yInbogh ghotpu'
(*SaraH yIyu' neH). DaH <ACOG> Qaghmey ja' Hoch qo'. ghur 'atlanta
quvHa'ghach.
jIbep vIneHbe'. vengwIjmo' jIHemtaH. naDev qaSmo' *'olImpIq jIquvtaH.
*'olImpIq chaHbe' <ACOG>'e', 'ej Hoch *'atlanta chaHbe'. chaq tugh
Qaghmeyvam lIj lo', 'ej Qujmey 'ovwI' je qaw neH. 'ach DaH maHvaD
Qatlh ghu'.
-marqoS
--
Mark J. Reed |
Email: [email protected] | HP Internet/System Security Lab
Voice: +1 404 648 9535 | 2957 Clairmont Rd Suite 220
Fax : +1 404 648 9516 | Atlanta GA 30329-1647 USA