tlhIngan-Hol Archive: Thu Jul 25 14:37:04 1996
[Date Prev][Date Next][Thread Prev][Thread Next]
qep'a' lutHom
qaStaHvIS qep'a' ram cha'DIch, *Encore* luQuj qep'a' jeSwI' law'. jIQujbe'.
naDev *Encore* chutmey Sov'a' Hoch? Qujlu'meH, cha' ghommey moj QujwI'pu'
'ej mu' luHev. (DIvI' Hol neH lulo'.) mu'vam ngaSbogh bom'e' lubomnIS. bom
lubomlaHbe'chugh, Qap jaghpu'. bomlaHqu'chugh, vaj bomnIS jaghpu'. bom
qawlaHbe'DI' wa' ghom, Qap latlh. qaStaHvIS poH nI'qu' QujtaH QujwI'pu'.
Qujvam vIQujpu' 'ej vItIvpu', 'ach jIQuj vIneHbe'. qaStaHvIS wa' rep
jIratlh. 'ach tugh jIngojchoH. vaj latlhpu' vInej. HurDaq vItu'. tlhIngan
Hol neH wIjatlh DaraQ, Heather, Qov, DaQtIq, Eric je. paw Danielle je, 'ach
tlhIngan Hol jatlhlaHbe' vaj ghaHvaD mughtaH DaraQ. maja'chuq 'e' wItIv.
qaSDI' rep, mej Qov. majatlh latlhpu' jIH je 'e' wImevbe'. tugh QujtaH
*Encore* QujwI' 'e' wIQoy. toH! poH nI'qu'!
QujwI' pa' vIghoS 'ej vI'el. lugh. QujtaH. vaj jIjach, <toH! SubomlI'be'.
SubomtaHqu'!> loQ Qub Hoch 'ej Haghqu'! tlhaQbej mu'tlheghwIj 'e' vISov,
'ach tlhaQchu'qu' 'e' vISovbe'. jIHagh je.
tugh Quj 'e' lumev. Seqram ghom chargh Qanqor, Lawrence, Mark Mandel
(tlhIngan pongDaj vIqawbe') je ghom. batlh Qujta'.
SuStel
Stardate 96566.4