tlhIngan-Hol Archive: Wed Jul 24 17:17:06 1996
[Date Prev][Date Next][Thread Prev][Thread Next]
Re: qep'a'
- From: [email protected] (Alan Anderson)
- Subject: Re: qep'a'
- Date: Wed, 24 Jul 1996 19:21:31 -0500
Dunqu' qep'a'. Dojqu'. Dajqu'. vItIvqu'. <-qu> vIlo'Ha'be'bej.
*Tuesday* pov juHwIjvo' vImej. qaStaHvIS ram naQ vIlenglI'.
cha'logh jIleng 'e' vImev 'ej cha' rep jIQong.
*Wednesday* DungluQ *Philadelphia*Daq jIpawDI' jIDoy'chu'
'ach juppu' chu' vIqIHtaHmo' jIQuch.
wej nulajbeHmo' pa'meymaj, *Independence* pa'Daq maba'taH 'ej majatlhtaH.
HochvaD jIlIH'egh. pongwIj QoyDI' *Qov*, vem 'ej jIHvaD lIH'egh.
jatlhtaHvIS *Qov*, Qo'noS Sung rurlaw', 'ach rut wIQoyHa'.
pIj <Qov> jatlhDI', <Quv> wIQoylaw'. Hujlaw' *Canada* Holghogh. :-)
qaS wanI' law'. Hoch vIqawlaHbe'. 'ach SaH *Marc Okrand* 'e' vIqaw jay'!
[DaH pongmey vIlaDtaHvIS, qabDu' vIleghlaHlaw'.]
-- ghunchu'wI' batlh Suvchugh vaj batlh SovchoH vaj