tlhIngan-Hol Archive: Fri Jan 26 15:40:23 1996
[Date Prev][Date Next][Thread Prev][Thread Next]
KLBC: ropyaHDaq
- From: Terry Donnelly <[email protected]>
- Subject: KLBC: ropyaHDaq
- Date: Fri, 26 Jan 1996 17:40:13 -0600 (CST)
HIqeS vItlhob QaghmeywIj vItI'meH:
ropyaHDaq
ropyaHDaq wa' tera'ngan luqeng cha' tlhIngan. <roplaw'
Human,> QelvaD jatlh wa' tlhIngan. <DatoD'a'?>
<chaq,> jang Qel. Hoqra' lo'taHvIS vultaHbogh Human nuD.
<motlh porgh Hat; rIQbe'law',> jatlh'egh. <toH,> jach, <yIvem! qatlh
bIbech? bI'uH'a'? 'oy'bogh Daq HI'ang!>
vem tera'ngan. <ropyaH. maj. qatlh jIbech 'e' vISovbe'.
ramjepHey pay' jIropqu'choH. jIwuQqu'. 'oy'qu' burghwIj. pujlaw'
'ej rIghlaw' DeSwIj.>
pe'vIl nIH DeSDaq SID Hot Qel. <'oy''a'?> tlhob. jach
Human. <pujwI',> Qub Qel. HumanvaD jatlh <'oy' yISIQ.
qanuDnIS. wa'Hu' ram nuq DaSop?>
<to'baj 'uS,> jang Human.
<'ej HIq Datlhutlh'a'?>
<ghobe', Dargh.>
<puchpa' yI'el 'ej HIvje' yIteb,> ra' Qel. cheghpu'DI' SID
chovnatlh nuDlI' Qel Hoqra' lo'taHvIS. <vItu'pu'!> jach. <to'baj
'uS'e' - chu'law' 'ej tlhollaw' 'oH?>
<ghobe', loQ ngo'law'.>
<jIyaj. chu'DI' to'baj 'uS 'oH nay''e' QaQ, 'ach ngo'choHDI' -
SuQ.>
SotchoH tera'ngan. <jIHeghlI''a'? DavorlaH'a'?>
<yIleS. qatI' 'e' vInID.> SIDvaD HIvje' nob. <burghlIj
vItI'meH Hergh taSvam DatlhutlhnIS.>
HIvje' tlhap Human. <He'So'qu' taS.>
<'ej nujDaq ngImlaw'. yItlhutlh.>
vaj tlhutlh Human. <burghwIjDaq poq vIghajchoH,> bep ghaH.
<bIvIng 'e' yImev! qaQorgh DaneHbej'a'?>
<HIja', vIneH. jItamchoH.>
<maj.> Hergh QaywI' tInqu' lel Qel. <nach vItI'meH monglIj
'elnIS 'oH. chaq 'aw'.>
chISchoH Human qab 'ej vulchoH ghaH. mongDaq HerghwI'
'elmoH Qel. vulHa'ta'DI' tlhob Human, <'a chay' DeSwIj DatI'?
rIghtaHqu'. 'oH vIvIHmoHlaHbe' 'e' vIHar.>
<toH, DeSlIj'e',> jang Qel, <vItI'laHbe'. vIteqnIS.> ropyaHvo'
Haw'choH tera'ngan. <yIjon,> tlhInganvaD ra' Qel. <quSDaq yIpol.>
HumanvaD jatlh <HIQorgh Dajatlh vaj qaQorgh.> Haqtaj jej lel Qel.
<yIyaj; 'oy' ngabmoHbogh Hergh'e' vIghajbe'ba'. nom jIvang.>
DeS DIr SIj Qel. jachtaH Human. <nujDajDaq ro'lIj yIlan,>
tlhInganvaD ra' Qel. tugh DeS Hom Hotpu'. wa'logh, cha'logh,
wejlogh pe'taH, 'ej volchaH chev! <pItlh!> jach Qel. Dat
SoDtaH 'Iw. vulchoHqa' SID. ngejbe'lu'meH volchaHDaq Hergh lo'
Qel 'ej Sev qat. vemta'DI' quSDaq noghtaH SID. Hoqra' lo'taHvIS
nuDqa'lI' Qel.
<majQa',> jatlh, <qatI'chu'pu'! qaQorghnISqa'chugh vaj
yIcheghneS. DaH yItlheD. bIDIlnIS 'e' yIlIjbe'. toy'wI'!
jIHvaD tlha'bogh SID yIngeH!>
@@@
--ter'eS