tlhIngan-Hol Archive: Wed Jan 03 13:08:06 1996
[Date Prev][Date Next][Thread Prev][Thread Next]
reH ghortaH DujwIj
- From: Alan Anderson <[email protected]>
- Subject: reH ghortaH DujwIj
- Date: Wed, 3 Jan 96 15:05:09 EST
wa'Hu' peDchoHtaHvIS He motlh vIlengtaH.
HeDaq chuch naghHey vItu'. machlaw' naghHey vaj vIqImHa'.
paw'ta'ghach vIQoybogh chuS law' paw'ta'ghach vIpIHbogh chuS puS.
nom DoDaj nup mutlha'bogh Duj mach 'e' vIlegh.
yapchoHDI' chuq DujwIj taQbang qengwI' vIlegh.
bIngDajDaq taQbang qengwI' jonpu' Dujvetlh. wejpuH.
QIt maleng. tugh He wImejlaH 'ej wImev.
qaStaHvIS wa'maH vagh tup DujDaj bIngvo' taQbang qengwI' vIlellI'.
be''e' ngaSbogh Duj mach nuQ ghu'.
ghaytan DujDaj QIH taQbang qengwI' 'e' Har.
vIluHqu' 'ej jIQap rIntaH. taQbang qengwI' SIHqu'lu' jay'.
ghaHvaD De' vInob: pongwIj, "insurance"wIj, QumwI' mI'wIj je.
DaHjaj chorghvatlh rep murI'. QeHlaw'.
"radiator"Daj ghorlaw'pu' wanI' 'ej DujDaj lo'laHbe'.
"insurance" malja'Daj Qumpu' ghaH 'ej "insurance" malja'wIj luQumnIS.
Hutvatlh rep malja'vetlh vIrI' 'ej ghu' vIQIj.
DaHjaj tlhaQbe' ghu' 'ach leS jIHagh.
tojwI' qa' ghajlaw'bogh Duj'e' je' neH'a' vay'?
--------------------------------------------
Alan Anderson Delco Electronics
{ghunchu'wI'} Remanufacturing Services
Test Equipment System Software Group