tlhIngan-Hol Archive: Tue Feb 27 20:43:17 1996
[Date Prev][Date Next][Thread Prev][Thread Next]
DaHjaj munuQlaw' ghIchwIj yabHey
- From: [email protected] (Alan Anderson)
- Subject: DaHjaj munuQlaw' ghIchwIj yabHey
- Date: Tue, 27 Feb 1996 23:44:53 -0500
DaHjaj Doch vIlarghmo' Daqmey Sar vIqawtaH.
po paw "magazine" 'ej vIlaDtaHvIS bIQ ngo' vIlarghlaw'.
pay' yabwIj nargh bIQHom Daqna'. pa' yavvo' jaH bIQ tuj.
bIQtIqHomDaq bIQHomvo' jaH bIQ 'ej tugh pum bIQtIqHom.
bIQtIqHom retlh raQ Daq lutlh tu'lu'.
"August" Daqvam wISuch 'e' wIHech qorDu'wIj 'ach jIloS vIneHbe'.
Qu'wIj vIbuSlaHchu'be'. QIt bIQHom vIlIj.
juHDaq jIpawDI' "bread" vuttaH be'nalwI' 'e' vIlargh.
pay' SoSnI'wI' juHDaq yabwIj qenglu'. mInDu'wIj vISoQmoH 'ej
jIlarghtaH 'e' vItIv. juHvetlh vIqawchu'.
ben "yeast rolls" Dun chenmoH SoSnI'wI'. Heghmo' ghaH not
Sojna'vam vISuqqa'. vutmeH mIw wIghaj, 'ach pupbe'.
QIt najHeyvamvo' jIchegh.
ram "flower" vIlarghlaw'. vay' vIqawlaw' 'ach vIqawchu'be'.
jIloS 'ach vIqawlaHbe'. vIlarghqa' vaj vIqawchu'ta'.
jIQupqu'taHvIS juHwIj vIghaj 'ej juHvam yotlh vIleghlaw'.
yotlh tI chIp vavwI' 'e' vIqaw. jImachqu' 'ej tI DI vISop 'e' vInID.
DoghlaHba' puq Qup.
-- ghunchu'wI' batlh Suvchugh vaj batlh SovchoH vaj