tlhIngan-Hol Archive: Mon Dec 23 06:43:15 1996
[Date Prev][Date Next][Thread Prev][Thread Next]
lut tlhaQ. (chaq)
- From: [email protected] (Bill Willmerdinger)
- Subject: lut tlhaQ. (chaq)
- Date: Sat, 21 Dec 1996 17:07:09
mev may'. tlh.w.D. *HuH taD* HoD luHoHpu' jaghpu', 'ach jagh wIjeyta'. DaH,
*HuH taD* tIj 'aj. ja'chuq tagh.
jatlh 'aj, "jIHvaD chavmeylIj tIja'!"
jatlh la', "qastaHvIS may', jagh la'quv vIHoH!"
"qama'pu' Dajonta' vIneH." jatlh 'aj, 'ej la' HoH.
jatlh la'Hom, "la'quv HoHpa' la', loSmaH wej 'avwI'pu' DIHoH SuvwI'pu' jIH
je."
jatlh 'aj, "maj! SuvwI'na' tlhIH. qanum. la' Dacho'."
jatlh la' chu', "qatlho'neS!"
jatlh Sogh, "jagh SuvwI'pu' SuvtaHvIS latlh, cha'SaD wa'vatlh HutmaH cha' yIH
vIHoHmeH nISwI'wIj vIlo'. vIHujHa'DI', Sochvatlh vaghmaH chorgh yIH vIHoHmeH
DaqtaghwIj vIlo'. jejHa'choHDI', chorghmaH chorgh yIH vIHoHmeH ghopDu'wIj
vIlo'. wejSaD wejmaH Soch yIH vIHoHta'."
"majQa! qanaDneS! qavanneS! yInbogh Qugh Dabotpu'. tlhInganpu' law' HoHlaH
loSmaH loS jagh, 'ach qaStaHvIS cha'maH loS rep, loS'uy' loSnetlh cha'SaD
cha'vatlh loSmaH Soch yIH SeplaH wejSaD wejmaH Soch yIH! qaSDI' Hoghmey puS,
Qo'noSDaq Hoch Soj SoplaH yIHmay!"
wuq 'aj 'ej jatlh, "Sogh vInum. DaH HoD ra'wI' je ghaH Sogh'e'. Dup yajmo'
ghaH, vIquvmoH. rIntaH!"
'ach qaStaHvIS wanI'vam, bu'vaD ja' HoD chu', "'ach be'nalvaD yIHmey DIrmey
vIboS neH."
Qob la' (tlh.w.D. quttaj ra'wI')
tlhIngan Hol yejHaD qhojwI'