tlhIngan-Hol Archive: Tue Apr 16 00:20:40 1996

Back to archive top level

To this year's listing

• Index by Date
• Index by Thread
• Index by Author

I-CON qep'a'

• From: [email protected]
• Subject: I-CON qep'a'
• Date: Tue, 16 Apr 1996 03:20:09 -0400

laDwI'pu', DaH tlhIHvaD I-CON qep'a' vIDel.  *Stony Brook*Daq *Long
Island*Daq je qaSpu' qep'a'vam.  pa' Quj'mey QeD lutmey je tIvqu'bogh nuvpu'
tu'lu'.  

qaStaHvIS jaj wa'DIch, tlhInganpu'Hey vIlegh.  jech'eghpu'bogh Human chaHba'.
 tera'ngan jIH 'ach tlhIngan 'oHbej tIqwIj'e'.  tlhIngan vIDataHmeH, tlhIngan
Quch vItuQnISbe'.  wej tlhInganpu'qoq vIghoS.  <tlhIngan Hol DajatlhlaH'a'?>
vItlhob.  tlhIngan Hol vIjatlh.

mubejtaH neH tlhInganqoq.  QIpba'qu'.  mu'meywIj yajbe'ba'.  vaj <No,
obviously not> vIjatlh.  DaH DIvI' Hol vIjatlhchoH, 'ach Qu'chaj luQIjQo'.
 qoHpu'!  jIHvaD ghomchaj luQIjQo'chugh, chay' chaH vIyajchoH?  pabwI' Sam
chay' 'e' luHech?

qaStaHvIS cha' latlh jajmey, latlh tlhInganpu'qoq vIlegh, 'ach tlhIngan Hol
jatlhlaH pagh.  jImer.  Holmaj jatlhlaH vay'e' 'e' vIpIHpu'.

qaStaHvIS jaj wa'DIch, <tlhIngan tIgh> paq vIje'ta'.  Dun paq.  qay'pu'bogh
Dochmey law' tI'pu' Okrand.  charghwI', paqvo' wa' tIgh DatIvba': <reH tugh
charghwI'> (wa'vatlh SochmaH HutDaq tu'lu').

qaStaHvIS jaj cha'DIch, ghomvamDaq jeSbogh Laurel Beckley vIqIHta'.
 matay'taHvIS, <tlhIngan tIgh>vo' laD Laurel.  tlhIngan Hol jatlh 'e' nID
Laurel, 'ej vImugh 'e' vInID.  Dochmey wIta'bej.  loSmaH vagh tup neH
maja'chuq, 'ach maHvaD lo'laHbej qepmaj.

tlhInganna' vIghombe'pu'mo', vIQuchbe'.  'ach tlhIngan Degh Dun vIje'ta'.
 DaHjaj jIvumtaHvIS Degh vItuQtaH.

SuStel
Hovjaj 96290.9

• Follow-Ups:
  • Re: I-CON qep'a'
    • From: "William H. Martin" <[email protected]>

• Prev by Date: Re: Five elements
• Next by Date: Grammar and words in TKW
• Prev by thread: Re: Ruch as a Transitive Verb
• Next by thread: Re: I-CON qep'a'
• Index(es):
  • Date
  • Thread
  • Author

Back to archive top level