tlhIngan-Hol Archive: Fri Apr 05 13:06:50 1996
[Date Prev][Date Next][Thread Prev][Thread Next]
qay' wanI'
- From: "William H. Martin" <[email protected]>
- Subject: qay' wanI'
- Date: Fri, 5 Apr 1996 16:06:22 -0500 (EST)
DaHjaj po chut yaS qachDaq jIHlI'. yaS De'wI' vItI'lI'. yaS
QumwI' vIQoy. vIbuSHa'. jISaHbe'. jIvumtaH.
jupwI' pongna' vIQoychu'. pay' QumwI' vIbuSchoH. motlhbe'
pongDaj vaj latlh qelbe'ba' QumwI'.
bangDaj boQpu' jupwI'. qablIj vIqIp boQpu'. tugh Sawlaw' 'e'
vISov 'ach DaH DIch vIchIl. jupwI' boQ yaS. Haw' jupwI'. taQqu'
wanI'vam.
juH tIn nab jupwI'. bangDajmo' Seypu' 'ej Hempu'. DaH nuq 'oH
DotlhDaj'e'? qorDu' neHqu' jupwI'. chaq Do'Ha'.
yInwIj nap law' yInDaj nap puS 'e' vIHar.
yaHwIjDaq jIcheghtaHvIS jIyIt 'ej jup latlh vIlegh. qamDajDaq
Sev ghaj. qay' nuq vItlhob. qam muv 'uS. pa' ghaH pe'ta'
HaqwI'. yItmeH naQ lo'nIS. Do'Ha'.
jIH pIvlaw' law' ghaH pIvlaw' puS.
jIH Do' law' juppu'wI' Do' puS 'ach DaHjaj jIQuchqu'be'. meq
vISovchu'be'. juppu'wI' 'oy'na' vISumDI' jIQuchlaHbe'.
charghwI'
--
\___
o_/ \
<\__,\
"> | Get a grip.
` |