tlhIngan-Hol Archive: Tue Nov 21 12:26:57 1995
[Date Prev][Date Next][Thread Prev][Thread Next]
Dalmo' DaHjaj jIQuch
- From: Alan Anderson <[email protected]>
- Subject: Dalmo' DaHjaj jIQuch
- Date: Tue, 21 Nov 95 13:33:09 EST
DaHjaj QIt jaHlaw' poH.
tugh pawmo' tlho'taHghach yupma' Dach vumwI' law'.
QaQ wanI'vam. pIj munuQ wa' vumwI'qoq 'ach DaHjaj juHDaq ratlh.
muSujbe'mo' vetlhvam jIqImlaH. jInmol law' vIqellaHchu'.
Qu'mey potlh vIvumtaHvIS muqagh pagh.
DaHjaj ta' law' vIrInmoHpu'.
Qu' vIta'bogh law' law' pawbogh Qu' chu' law' puS.
qabchu'be' pIj munuQbogh ghotvam'e'. mIghbe'bej.
lI' ghaH. vumtaHvIS Dochmey tI' 'ej Qaghmey lughmoH.
not jegh. Hoch tI'taH 'e' nIDchu'mo' "bulldog" rur.
nuQ neH. Hoch nuQ. ghaH vImuSbe' 'ach SumDI' ghaH ghu' vIpar.
reH poHwIj lo'Ha' yIHvam. reH muyu'meH mu' QIp lo' ghaH.
lutHomvam pelaD 'ej jImogh chaq 'e' boyaj:
SuDbogh qengwI' Doq vIpoQ ja' ghaH. qengwI' DaghunlaH'a' tlhob ghaH.
jIyajbe' vIjatlh. SuD'a' ghap Doq'a' vItlhob.
tIn je jang ghaH.
'ach SuD'a' vItlhob. HIja' ghobe' pagh neH yIjang vIjatlh.
tIn je jangqa' ghaH.
yImev vIjach. tIntaHghachDaj vISaHbe' vIjatlh.
QIt vItlhobqa' SuD'a' qengwI'vam DapoQbogh? jIloS.
Qubqu'law' ghaH. jISovbe' jatlh ghaH. vIlo'nISbe' jIH jatlh ghaH.
qengwI' lo'nIS vay' vaj DaSovmeH SoHvaD jIja' QIj ghaH.
qengwI' DapoQ'a' vItlhob. ghobe' jang ghaH. vaj yIHaw' vIjach.
qengwI' DapoQbe'chugh SoHvaD qengwI' vIghun 'e' yIpoQQo' vIjach.
tlheDDI' yaHwIj bIngDaq naQ'e' vIpolbogh vIghajmeH jISIch.
DoSna' SoH vItlhup.
'ach DaHjaj Hop qoHvam vaj jIlop. wa'leS Dach je.
cha'leS tagh yupma' vaj Dach Hoch.
qaSpa' vagh jaj jIloplaHtaH ghaH vIlghomnISbe'mo'.
tIqchoHpu' jabbI'IDvam. yIntaghvam vIDeltaHvIS jImevlaHbe'.
--------------------------------------------
Alan Anderson Delco Electronics
{ghunchu'wI'} Remanufacturing Services
Test Equipment System Software Group
(Please forgive me if I've gotten {ghap} and {pagh} backwards; I have
just noticed that my translator is missing some important information.)