tlhIngan-Hol Archive: Sun Mar 12 20:56:49 1995
[Date Prev][Date Next][Thread Prev][Thread Next]
Re: jIyIntaH...
- From: "William H. Martin" <[email protected]>
- Subject: Re: jIyIntaH...
- Date: Sun, 12 Mar 95 23:56:47 EST
- In-Reply-To: <[email protected]>; from "Captain Krankor" at Mar 10, 95 8:30 pm
HoDoywI'!
bIcheghmo' jIQuchqu' jay'!
According to Captain Krankor:
...
> yInvaD ghomvamvaD je poH yap vIghajmeH, tlhIngan HolvaD neH jIjeS 'e' vIwuq.
wa' ben qaStaHvIS wa' jar tlhIngan Hol neH Dalo'. qaStaHvIS
wanI'vam jIghojqu'. muQaHqu' mu'meylIj. qatlho'qu'.
naDev bIlojtaHvIS latlhpu' vIghojmoH 'e' vInIDqu'. latlhpu'
vItungHa'qu'. batlh jItoy' 'e' vInID. QIbHomlIj vIDa. ghu'vam
neH vIpay: jIHvaD bIHemtaH vIneH. taghwI' pabpo' vImojDI'
bIngab. qaStaHvIS poH nI' HolvaD vIvumqu', 'ach bIlojtaH.
maw'choH yInwIj 'ej bIcheghpa' taghwI' pabpo' vIDa 'e'
vImevnISpu'. not mu'meywIj DalaD. not ta'meywIj Dalegh. jIHvaD
bIHemlaHbe'chu'.
qay'be'. batlh taghwI' pabpo' vIDachugh vaj yap pop. juppu'
maH. yap ghu'vam.
'ej naDev tlhIngan Hol yaj 'ej jatlh nuvpu' law', vaj chaq
vIQaHta'. chaq qaQaHta' je. DaH tlhIngan Hol DajatlhDI' nIyaj
nuvpu' law'. chaq jIvumta'be'chuq nIyaj nuvpu' puS neH.
bIchegh! bIchegh! bIchegh jay'! QaQqa' yIn.
> --HoD Qanqor, pabpo' wa'DIch, lulIjpu'bogh qoH neH
not qalIjchoH.
charghwI'
--
\___
o_/ \
<\__,\
"> | Get a grip.
` |