tlhIngan-Hol Archive: Fri Mar 10 17:21:55 1995
[Date Prev][Date Next][Thread Prev][Thread Next]
jIyIntaH...
- From: Captain Krankor <krankor>
- Subject: jIyIntaH...
- Date: Fri, 10 Mar 1995 20:20:18 -0500
toH! taHchu' ghomvam. jIbel! DaH nuvmey vISovbe'bogh tu'lu'. 'Iv tlhIH?
jIHvaD pelIH'egh. 'ej jupmeywI' ngo'vaD: muQuchqu'moH Sajatlhqa'ghach!
qaStaHvIS poH nI' jIDach 'ach ghu'vam vIchoH 'e' vIHech. rep law'qu'
vInoblaHbe', 'ach jIjeS 'e' vInIDbej. mulIjpu'be' Hoch 'e' vItulqu'!
yInvaD ghomvamvaD je poH yap vIghajmeH, tlhIngan HolvaD neH jIjeS 'e' vIwuq.
vaj tlhIngan Hol neH vIghItlh 'ej tlhIngan Hol neH vIlaD. tera'ngan HolDaq
vuDHommey ghoHmeH jabbI'IDmey tIq vIlaDlaHbe'. tlhIngan Hol vIja'chuq vIneHbe';
tlhIngan Hol vIlo' vIneH. vuDwIj neHqu'chugh vay', tlhIngan Hol Dalo'taHvIS
HItlhob qoj e-mail HIngeH. ([email protected] vIratlh) e-mailwIj qan Hoc
Qaw'lu'ta', vaj vay' potlh mungeHta'chugh vay', yIngeHqa'!
toH, juppu', jaghpu', muSovbe'bogh nuvpu' je: jIcheghta'!!! {{;-)
--HoD Qanqor, pabpo' wa'DIch, lulIjpu'bogh qoH neH