tlhIngan-Hol Archive: Sun Jan 01 13:02:44 1995
[Date Prev][Date Next][Thread Prev][Thread Next]
tlhIngan HolvaD jItlhIj
- From: Terry Donnelly <[email protected]>
- Subject: tlhIngan HolvaD jItlhIj
- Date: Sun, 1 Jan 1995 15:02:38 -0600 (CST)
cha' ben tlhIngan Hol mu'ghom (*TKD*) vItu'. paq vIje'ta'DI' tlhIngan
Hol vIghojchoH. 'ach tugh loQ munuQ Holvam. yapbe' mu'tay' 'ej pab 'aH
'ut ghajbe' tlhIngan Hol 'e' vIHartaH. tlhIngan Hol 'oghlu'ta'mo' 'ej
chu'mo' 'oH, He'e' ghoSbogh Hol vISIghlaH 'ej HolvaD 'utlaw'bogh 'aH
vIchellaH 'e' vIQubtaH ('ach rut jaS Qub latlhpu' vaj jImogh).
jabbI'IDmey lutmey je vIghItlhtaHvIS, tlhIngan Hol mIp le' vIyajchoHDI',
choH qechmeywIj. Holvam vIquvchoH, pIm 'oH vIneHbe'ta'DI'. yapbe'
*hawaiian* mu'tay' qoj pab 'aH 'ut ghajbe' *arabic* 'e' vIbepbe'.
qatlh jaS HolvamvaD jIvang? DaH tlhIngan Hol pab nap "yapHa'"
vIlo'taHvIS DIvI' Hol qechmeywIj vImughmeH Qu' vItIvqu'. Hol nov
lo'lu'taHvIS jaS QubnISlu' 'e' vItIv je.
toH, tlhIngan Hol, qatlhIj. qatlhIj, pIm SoH vIneHpu'mo'.
- ter'eS
===============================================
: Terry Donnelly : bIvangtaHvIS :
: Maplewood Pub. Lib. : yIyoHvIpQo' 'ej :
: 7601 Manchester Ave. : yIDoHQo' - :
: St. Louis, MO 63143 : Hoch yIn 'oH ngong'e':
: (314) 781-2174 : R. W. Emerson :
:---------------------------------------------:
: [email protected] :
===============================================