tlhIngan-Hol Archive: Thu Dec 21 13:21:42 1995
[Date Prev][Date Next][Thread Prev][Thread Next]
taH charghwI' ghuy'Do je
- From: Will Martin <[email protected]>
- Subject: taH charghwI' ghuy'Do je
- Date: Thu, 21 Dec 1995 16:21:46 -0500
- Encoding: 95 TEXT
jatlhta' ghuy'Do wa':
>qaStaHvIS 95-12-20 13:20:20 EST,
>jIHvaD bepDI' charghwI', ghItlh:
>
>>ghuy'Do,
>
>>jabbI'IDlIj vIlaD vIneH 'ach vulqangan DaDataH. mu'mey law'qu' Dalo' 'ej
>>qechmey law'qu' Dangach. muDoy'moH. poH yap vIghajbe'. qaparHa'qu' 'ach
>>jabbI'IDlIj vIlaDchugh Qatlhqu' Qu'. latlh jabbI'ID vIwIvchoH vIneHchoH.
>
>mu' law' vIqon 'e' vIqap, yabwIjvo' qechmey tIn vIlelnIS. qaDoy'moHchugh,
vaj
>HollaH DaqeqnIS. pab Dayaj 'e' 'olrupba' valwI'na', 'ach qubqu' tlhIngan
>Holna' DachenmoHbogh. Hu'tegh, Qu' Qatlhvo' bIDoHqang'a' --- ghobe'.
bIHoS,
>'ej HoSlIj DaghurqangmoH 'e' vIHar.
choyajHa'pu'. ghomvamvo' loSvatlh vaghmaH chorgh jabbI'IDmey vIlaDbe'bogh
vIghaj. tlhIngan Hol vIlaDlaw'mo' choDoy'moH 'e' Dapumlaw'. law'mo'
jabbI'IDmey 'ej nI'mo' jabbI'IDlIj jIDoy'choH. qechmey tIn Daghaj 'e'
vIghovbej.
qa'pu' law' vIghaj. qechmey tIn tIvqu' wa' qa'. tlhIngan Hol tIvqu' latlh.
quqbe'. Dajqu' qechmeylIj 'e' Har tera'ngan yabwIj. Dalqu' qechmeylIj 'e'
Har tlhIngan yabwIj. tlhIngan Hol vIlo'taHvIS tlhIngan yabwIj vIlo'.
>Qanqor mIw Dalo'laH: qaStaHvIS wa' jar, DIvI' Hol yIlo'Qo'. SoH, latlh
>Hoch'e' je lIDubmoHbej wanI'vam.
tlhInganna' jIH, 'ach tlhIngan'a' ghaH Qanqor'e'. qaStaHvIS *holidays*
Qatlhqu' Qu'vam. wej vIwIv. DaH vIlay'be'.
>>muHoHbe' Doch 'ej Dochvam vISoplaHbe' 'ej Dochvam vISuvlaHbe' 'ej SajwIj
>>'oHlaHbe' 'ej manga'chuqlaHbe' Dochvam jIH je, vaj yInchugh jISaHbe'.
>
>bISaHbe'chugh, vaj qechwIj tIqelQo', 'ej ghItlhwIj yIqImHa'. qech Dajqu'
>vIghItlhchoHmeH jaS HItungHa' SoH. tonSaw', veS je vIqelnISchoH'a' neH?
Qo'
batlh bIghoH. qechmeylIj yIvuSQo'. rut jIHvaD chaq loQ Dal qechlIj 'ach
vISIQ. {{:)>
>--- Sov law' vInejmeH jIDughqanglI', 'ej QeDna', lalDanmeyna' je
vIghojqu'.
>'ach toH, ghaytan labwI' ghomvaD qetlhqu' qa'ngerHey'e'. QeD lalDan je
jojDaq
>neH qechvetlh tu'lu'. 'a Su', jojvetlhDaq qaS wanI' Dajqu': reH chIch
yol'a'
>lujeStaH tej, lalDan'utlh je. wanI' DaSovlaH, loQ qun DaHaDchugh je.
jIHvaD jIHoHDI' chaq potlhchoH qa' wo'. pa' 'oHtaH qa' wo''e'. DaH naDev
jIHtaH. pa' jIHtaH 'e' vIDachugh vaj mugh ghu'. naDev 'oH DaqwIj'e'.
jIHvaD DaH ram lalDan. naDev jIHtaH. wo' vIleghbej 'e' vIDel. wo' vInaj 'e'
vIDelbe'.
wo''e' lunajbogh lathpu' Del lalDan. wo'chaj vISaHbe'.
>QeD lalDan je jojDaq jItlheD 'ej jIcheghbe'. tlhIngan Hol yejHaD HablI'Daq
>(ftp) ghItlh vIghItlhbogh tu'lu'. "wojnger" 'oH pongDaj'e'. QeDna' ghItlh
>'oHbogh Datu'pu''a'? yIqIm, 'ej chay' DanoH jIHvaD 'e' yIja'; wanI'vam'e'
>qachup.
chaq poH yap vItu'DI' <lu'> qajatlh. DaH vIlay'Qo'.
>naghmey DatoSlI'meH HoqmeylIj DaDel 'e' vItIv je jIH. tlhIngan Hol
Dalo'taH
>not 'e' yImev. jabbI'IDlIj DatIqmoHlaH je. tIqchugh jabbI'IDwIj, latlh
>jabbI'ID yIwIvchoHQo' --- ghuy'cha', rap ghu'vam: HuD jen law', HuD latlh
jen
>puS. vaj HuD latlh DatoSlI' 'e' DamaS'a', jenqu'be'mo'? Qo'! HuD jenqu'
>DawIvchugh, vaj HoSlIj DaghurmoH 'ej laHlIj DaDubmoHbej. jenbe'bogh HuD
>latlh'e' wIv buDwI' neH. buDwI' SoHbe'mo', qatlh jabbI'IDwIj tIqmo'
bIbeptaH?
choqaD 'e' DanID 'ach 'ay'mey law'qu' ghaj ghu'. jItoSnISmo' neH jItoS.
jIwIvbe'. jItoS neH. jIbepbe'. jItoS neH. jenchugh HuD pagh jenbe'chugh HuD
jISaHbe'. jItoS neH. jIyIn 'ej jItoS 'ej jISop 'ej jIQong. DaH naDev jIH
neH. [Klingon Zen]
>va, 'e' vISovbe'.
>
>SovlIj yIvuS, chaq nach Homvo' nIjmo' yab.
>--ghuy'Do
wejpuH.
tInqu'mo' yablIj ngaSlaHbe' nach Hom 'e' DaHar'a'?
chaq nachHom Daghajmo' yab ngaSlaHbe'.
(mu'tlhegh tlhaQ vI'oghta''a'?)
charghwI'