tlhIngan-Hol Archive: Tue Dec 19 14:35:41 1995
[Date Prev][Date Next][Thread Prev][Thread Next]
Re: Duj qa'qoq
- From: Will Martin <[email protected]>
- Subject: Re: Duj qa'qoq
- Date: Tue, 19 Dec 1995 17:35:41 -0500
- Encoding: 106 TEXT
jatlhta' ghunchu'wI':
>ghItlh charghwI':
>>qa' ngaSlaHbe'ba' Duj. puq wIchmey DaHar'a'? tera'ngan DaDataH.
>
>wIchmey vIparHa'. tera'ngan jIH.
tera'ngan SoHmo' wIchmey DaHar. wIchmey tIv tlhInganpu' je 'ach wIHarbe'.
>>nIjtaH tIqlIj.
>
>QaQ mu'tlheghvam. Da'ogh'a'?
HIja'.
>>QaQqu' DujwIj 'ach qa' ghajbe'ba'. Doch 'oH. Sopbe'. Qongbe'.
>
>nIn lo'be''a' DujlIj? leSbe''a' DujlIj?
Soj vIlo'be'. Soj vISop. nIn Sopbe' DujwIj. nIn lo' DujwIj.
>>puq chenmoHlaHbe'.
>
>puqqoq chenmoHlaw'ta' 'entepray'. qabqu' lutHom, 'ach qaS.
jIQochbe'. qabqu' lutHom. 'ach HoSDo' chenmoH 'entepray'. 'ejDo'Hom
chenmoHbe' 'entepray'. 'ejDo' puq 'oHbe' HoSDo''e'. HoSDo' rurbe'qu'
'entepray'.
>> QublaHbe'. may' QaplaHbe'.
>
>QublaHlaw' "M-5". may'Hom Qapta'.
may'Hom Qapta' "M-5" ghunbogh loD'e'. qa' ghajbe' "M-5".
>>>"personality" ghajlaw' lupwI'wIj.
>>
>>qatlh <lupwI'wIj> Dajatlh? qa'qoq ghajlaw' DujlIj. qatlh <lupwI'wI'>
>>Dajatlhbe'? Dumagh mu'meylIj.
>
>Hol lo'be' lupwI'wIj. Hol lo'be' targh je. qa' ghaj'a' targh?
ngoDqoq wItoblaHbe'. yIn targh. yInbe' Duj. yInbe'ba'chugh Doch vaj qa'
ghajbe'ba'.
>>>muD bIr par. QatlhDI' Qu'lIj bep.
>>
>>qaStaHvIS muD bIr QapHa'chugh lupwI'lIj vaj DatI'nIS. pagh parlaH qoj
>>parHa'laH. beplaHbe' je. lujlaH 'ach beplaHbe'.
>
>lupwI'wIj DaSovbe'. lujbe' 'ach bep 'e' vIQoy.
ghobe'. not bep lupwI'lIj. loQ lujDI' lupwI'lIj loQ chuS. lupwI'lIj DaQoy
'ej jatlhtaH 'oH 'e' DaHarlaw'. bIDoghtaH. pumDI' nagh 'ej HuD Dop qIp,
chuS nagh. jatlh'a'? bep'a'?
>>toH bIyItDI' DaSaQ'a' <naghmeyDaq yIyItQo'! naghmey yI'oy'Qo'! lam
>>yI'oy'Qo'! reH yItun!>
>
>(<yI'oy'moHQo'> DaghItlh 'e' DaHar'a'?)
chaq naghvaD bISaQ. <naghmey, yI'oy'Qo'!> Dajatlh...
>QatlhDI' be'nI'wI' Qu' reH bep ghaH je. ram bepDaj.
pujba' be'nI'lI'. potlh tlhIngan be' bepmey. DaqImHa'chugh vaj bIHegh.
>bep Hoch qImnISbe'lu'.
>beplaw'chugh lam vIqImHa'. 'oy'chugh lam vISaHbe'.
jIHvaD bepchoHchugh lam vaj jI'Ijbej. not jIQompu', 'ach jatlhchugh lam,
jI'Ij.
>>>nIH 'et lojmIt SoQmoHlu'chu'meH loQ 'uynISlu'.
>>
>>lojmItlIj DatI'nIS.
>
>luq 'ach lupwI'wIj "idiosyncracies" vItIvqu'taH.
bItaQlaw'.
>>>rut bong "windshield wipers" chu' tlhe'qangghach ghuHmoHwI' 'ej mumer.
>>
>>nuqjatlh? <tlhe'qangghach>? "Willingness to turn"?
>
>pup.
>
>>QIt jIyaj. 'ach nachlIj qIpchugh nagh Dumer je. qa' ghaj'a' naghvetlh?
>
>ghobe'. nagh vIpIchbe'. nagh baHwI' vIpIch.
vaj qa' ghajchugh vay' DapIch'a'? vay' DapIchchugh vaj qa' ghaj'a'?
>>>SuvwI' qa' ghajbe'bej lupwI'wIj. chaq tojwI' qa' ghaj.
bItaQ.
>>naghmey yI'oy'Qo!
>
>naghmey vItoSbe' vaj pIj naghmey vIqelbe'. chaq jIchoHnIS.
naghmey DatoSchugh vaj qa'lI' QuchmoH wanI'.
>-- ghunchu'wI' batlh Suvchugh vaj batlh SovchoH vaj
charghwI'