tlhIngan-Hol Archive: Fri Nov 25 08:11:15 1994
[Date Prev][Date Next][Thread Prev][Thread Next]
targh lut
- From: Terry Donnelly <[email protected]>
- Subject: targh lut
- Date: Fri, 25 Nov 1994 10:10:57 -0600 (CST)
Please critique this:
{bIQtIqHom} creek
{targhHom} baby targh
{QongDaq} bed
{Qongpa'} bedroom
// = double quotes; / = single quotes
wa' jaj tachDaq jupwI' vIghompu'. 'Itlaw' ghaH. //qaStaH nuq?//
vItlhobta'. //qatlh nuv'e' SoptaHbogh targh Darur?//
jangta' jupwI': // /targh/ Dajatlh. tlhaQ wanI'.//
//nuqjatlh?// vItlhobqa'ta'.
//toH, nI' lut, 'ach SoHvaD jItey'. lut tagh targh.//
//targh - chay' bIjatlh?//
//jIqarmeH, /targhHom/ vIjatlhnIS. yI'Ij.// 'ej lutDaj taghta' jupwI':
//Hatlh HopDaq Qoghmey vInejtaHvIS bIQtIqHom DopDaq jIleSlI'.
jIleStaHvIS jISop. pay' ghogh vIQoy. /SuvwI' quv, HIQaH,/ jatlh ghogh,
/jIghungqu'. jIHvaD Sop yInob./ jatlhwI' vInejtaH 'ach pagh vIleghlaH.
jatlhqa' ghogh, /jIghungqu'. HIQaH. Sop yInob./
//QIt bIQtIqHom tIDaq vIlegh. pa' targhHom machqu' vItu'. pay'
jatlhqa' targhHom, /HIQaH!/ mumerqu' wanI'vam! not jatlhlaHbogh targh
vIleghpu'. /chay' targh Hol vIyajlaH?/ vItlhob.
// /SuvwI' quv,/ jatlhqa' targhHom, /jIghung. jIHvaD SopHom
yInob./ toH, loQ targhmey vIpar, 'ach pImlaw' targhHomvam. vaj targhvaD
SopHom vInob. /jatlhlaH targhmey 'e' vISovbe', /vIchel.
// /SuvwI' quv,/ jatlhqa' targhHom, /jIbIrqu'. weplIjDaq jIlIgh
'e' yIchaw'./ //
//Dachaw'ta''a'?// vItlhobta'.
//toH, le' targhHomvam; ngoDvetlh vIyajlaHchu'. wepwIjDaq lIgh
targhHom 'e' vIchaw'. juHDaq jIjaHrupDI' wepvo' targhHom vIlel vIneH, 'a
jatlh targhHom, /SuvwI' quv, jImob. jUHlIjDaq HInge'./ //
pagh vIjatlhta'. nuq vIjatlhlaH?
jatlhqa'ta' jup, //juHwIjDaq targhHom vInge'. juHDaq
jItuQHa'moHtaHvIS wepvo' targhHom vIlelDI' jatlh targhHom, /SuvwI' quv,
jIDoy'qu'. QongDaqlIjDaq jIQot 'e' yIchaw'./ //
//Dachaw'ta''a'?// vItlhobqa'ta'.
//toH, le' targhHomvam; jatlhlaH targhHomvam. vIchaw', 'ej
QongDaqwIjDaq QottaH targhHom. puchpa'Daq jI'el 'ej tugh Qongpa'Daq
jIchegh. QongDaqDaq QottaHbe' targhHom! Sut tuQbe'bogh be''e' 'IH Qup
mojta' targhHom! /SuvwI'oy,/ jatlh be', /HIghoS./ //
//nuqjatlh!// vIjachta'.
//lutwIj DaHarbe''a'?// tlhobta' jupwI'.
//chay' bIQub? vIHarbe'bej!//
'IQchoH jup. //jIyaj. QongDaqwIjDaq QottaHvIS targhHom juHDaq
ghaHtaHbe' be'nalwI''e', 'a be' mojta'DI' targhHom pay' juHDaq cheghta'
be'nal 'ej SIbI' Qongpa'Daq 'elta'. lutwIj Harbe'bejtaH be'nalwI' je.
mu' pagh Har.//
lut ghItlhta' F. Szilagyi
<Esperanto>vo' vImughta'.
===============================================
: Terry Donnelly : bIvangtaHvIS :
: Maplewood Pub. Lib. : yIyoHvIpQo' 'ej :
: 7601 Manchester Ave. : yIDoHQo' - :
: St. Louis, MO 63143 : Hoch yIn 'oH ngong'e':
: (314) 781-2174 : R. W. Emerson :
===============================================