tlhIngan-Hol Archive: Sun Nov 20 23:05:06 1994
[Date Prev][Date Next][Thread Prev][Thread Next]
Re: jIpo' vIneH
qaStaHvIS wa' jar, yaH chu' jIHevmo', jImejpu'. 'a DaHjaj jIchegh rIntaH.
On Tue, 15 Nov 1994, William H. Martin wrote:
> vIpo' vIneH. chaq vIpo'ta' Qub latlhpu', 'ach SoHvaD yapbe'
> po'ta'ghachwIj. jIDubnIS.
> jImob. naDev yIntaH pagh tlhInganpu'. qep'a'Daq tlhInganpu' quv
> vIqIH, 'ach Sumbe'qu' chaH. qaStaHvIS wa' ben bID, chaH
> vIghombe'pu' 'ej qaStaHvIS wa' nem bID, chaH vIghomqa'laHbe'.
bImobbe'. vIpo' vIneH je. qep'a'Daq qaghomlaH 'e' vItulbej.
> toH narghmey vItoS. HuD DungDaq jIQam 'ej juppu'vaD jIjach,
> 'ach jIHvaD jachqa' ghoghwIj neH. reH DIvI' Hol vIjatlhnIS.
> mutIchquwanI'vam.
bIDo' 'e' vIQub. jIyInbogh yoSDaq pagh HuDmey tu'lu'. naDev beQ Hatlh
'ej puS Sormey.
> DIvI' Hol vIjatlhnIStaHvIS quvwIj vIghurlaHbe'.
jIQoch. jIHvaD thlIngan Hol pab buSbogh potlhmey law''e' DaghojmoH 'ej
choghojmoHmo' qatlho'qu'. not tlhIngan pab choghojmoHta'chugh vaj DaH
jabbI'IDvam vIghItlhlaHbe'.
> qep'a' cha'DIch vIloSnIS. naDev wa' tlhInganqoq vItu'ta'.
> tlhIngan Quchqoq ghaj ghaH, 'ach tlhIngan Hol jatlhlaHbe' 'ej
> ghojqangbe'. wejpuH.
vengwIjDaq tlhIngan Hol ghoj neHbogh vay''e' vIqIHbe' je.
> juHvaD jIjaH vIneH.
> charghwI'
reH bIQapjaj.
yoDtargh