tlhIngan-Hol Archive: Mon Feb 28 11:02:45 1994
[Date Prev][Date Next][Thread Prev][Thread Next]
William Tell (sort of)
- From: [email protected]
- Subject: William Tell (sort of)
- Date: Tue, 01 Mar 94 00:00:32 EST
ben law'qu' yIn vIlHem-tel
nap loDvam 'ej vumqu'nIS 'a batlhDaj Suq
reH QuchDaj rotlh law' lam rotlh puS
qaStaHvIS wa'SaD DIS lamDaq Quch ngoHchugh vaj gheghlaHtaHqu'
Huch law' ghajbe' 'e' SaHbe' pIvmo' qorDu' 'ej Hemmo'
Soj SuqmeH wIj 'ej HuD SumDaq wam
wamtaHvIS tlhej puqloD
vIlHem-tel juHqo' charghta' HI' nov
vIlHem-tel yoSDaq wa' HI'Hom ngeHta' HI'
HI' woQ luvuv vIlHem-tel latlh je pe'vIl 'e' qaSmoHlaw' HI'Hom
woQ luvuvmeH rewbe' veng botlhDaq HI' Degh lanta' HI'Hom
vaj ra' <Deghvam quv bojuSpa' 'oHvaD petor
SIbI' torbe'wI' luqoplu'>
HI'Hom SoQ Qoybe' vIlHem-tel puqloD je HuDDaq wammo'
vengDaq cheghDI' HI' Degh lujuS
vaj ghoS HI'Hom QeH
jach <HI' Degh quvvaD petor>
jang vIlHem-tel <jItorQo'
HI' nov vIvuvQo' jItlhabmo'
puqloDwI' je>
<lotlhwI' tlhIv Saqop> jatlh HI'Hom
HI'vaD chaH qem HI'Hom
tlhob HI' <nuqmo' HI'na'lI' jIHbejbogh bovuvQo'>
ja' vIlHem-tel <matlhabmo'
not nIvqoq SoHbejbogh vuv vajna'>
jang HI' <gharwI' jat nuch tIq>
jatlh vIlHem-tel <teHHa' woQlIj
'IwlIj DalarghlaHbe'
'IwwIj jeD law' 'IwlIj jeD puS 'e' vItobmeH yapbe' mu'
'e' vItobmeH vI'wIj'e' vI'ang>
jatlh puqloD <'e' tobbej vavwI' vI' pov
pu'beH baHchu'
Sorvo' jagh ghopvo' joq naH bachlaH vavwI' wa' qelI'qam 'oHDI' chuq'e'>
<wejpuH
'e' vIleghqang bIvItchugh
ghoplIjvo' naH bachnIS vavlIj>
jach puqloD <chotIchlaw'pu'
vavwI' jagh vIDaQo' jay'>
jang HI' <vaj Sor'e' yIDa>
yotlhDaq chaH qem HI' HI'Hom je
ja' HI' <mIw vIQIj
wa' qelI'qam chuqDaq vIlHem-tel puqloD luplu'
ghopDajvo' naH bachnIS vIlHem-tel
pu'beHvam yIbaH>
baHbeHbogh pu'beH tlhap vIlHem-tel
naH puStaHvIS ghaH jatlh HI' <vI'qoqlIj Hajba' puqloDlI'>
jatlh vIlHem-tel <nuqjatlh>
jatlhqa' HI' <Duvoqchu'chugh vaj nujDaq naH lanvIpbe' puqloDlI'
qar'a'>
puqloDvaD Qum HI'Hom <nujlIjDaq naH yIlan>
jang <lu'
qatlh mIw choHlu'>
ja' <raptaH SanlIj
rejmorgh yIDaQo'>
bItlaw' vIlHem-tel
qeqmeH Qogh mach Hop bach 'a juSqu' 'uD'a' 'ej Haw' Qogh
Hagh HI' HI'Hom je
jatlh vIlHem-tel <Hagh qoHpu' neH HeghtaHvIS SuvwI'pu'>
tlhob HI'Hom <DaHjaj Hegh'a' puqloDlIj'e'>
QeHqu'choH vIlHem-tel
nom puS 'ej baH
jor naH 'ej pay' ghomHa' puqloD Ho' 'ej vulchoH
jatlh HI' <vI'lIj DaDajpu'
not tlhab DaHevqa'
reH qama'na'ma' SoHtaH>
pu'beH tlhe'moH 'ej HI' tlhejbogh wej negh'e' bach
HI'Hom rIQqu'moH je 'a Haw' HI'
HI' qImHa' 'ej puqloD qet
puqloDDaq pawDI' loQ vulHa'choHpu'
puqloD jatlh <vavoywI' pIch Daghajbe'ba' 'e' vItlhoj
'ach qatlh DubHa'law'pu' vI'lIj>
jang <QeHchugh qoj bItchugh matHa' vaj puSHa'>
jatlh <vIyaj> 'ej Hegh
jach vIlHem-tel <yIntagh
Heghpu' puqloDoywI' quv
bortaS qaSuq>
nIch ngaSbe' pu'beH 'e' tu'
vaj Doch 'utbe' woD
puqloD Ho' moy'bI' je woH
nuHHeyvam Qob qengtaHvIS HI' wam
yotlhvo' cheghlI'bogh HI' SamDI' moy'bI' puSchu' vIlHem-tel jot
QeHba' 'a jotbejmo' HI' mong qIp Ho'
bortaS neHpu'bogh Suq rIntaHmo' nom juHqo'DajDaq cheghmeH Duj tIj
Dejmo' HI'tuy vIlHem-tel batlh maqqu'lu'
lop 'e' tIvbe' vIlHem-tel puqloD quvmoHbe'lu'mo'