tlhIngan-Hol Archive: Fri Dec 30 17:52:35 1994

Back to archive top level

To this year's listing



[Date Prev][Date Next][Thread Prev][Thread Next]

mabuDlaw''a'



Hu'mey mu'may'HeyvaD wISuvlI'bogh jIH charghwI' je laDlu'taHDI', matIchchuq
ghaytan 'e' Harlu'. 'ach muj, tIchlaw'bogh mu'maj wIbaHtaHvIS maQeHbejbe'mo'.
qaS neH mu'qaD veS. val joq mu'maj qechmey, maqaDchuqtaHvIS maghoHmo'. ('a
tIchlaw' je ghoHbogh mu'maj net chIDnIS.)

'Iv yInDaq qaS wanI' Dajqu'? De' Qumrupchugh vay', tlhIngan Hol lo'taHvIS,
yIjangqu' neH. va.

Su', tlhIngan Hol HaDwI'vaD Hoqmey vInablI'bogh vIDel. 'ut bommey lutmey je
ghItlhmeH po'wI'pu''e', HolQeD loHna' wImojpa'. Hol'e' wIlo' jaS 'e'
wIghurnIS je. DaH nabwIj vIDel je, tugh mIw'e' vItaghrupmo': tlhIngan Hol
mu'ghom'a'paq ghItlhlu' 'e' vInab. mu' Hoch qech QIj paqvam. mu' qech buv paq
'oH latlh'e'. vaj *tlhHl*vaD cha' paqvam ghItlhlu' 'e' vInab: mu' Hoch qech
QIj 'ej buv bIH.

[*tlhHl* : KLI :: tlhIngan Hol loH : Klingon Language Institute]

tlhIngan Hol paqmey luboSlu'taHmeH, lut puS vI'ogh vIneH. *SeQpIr* lutmey
mughlu' 'e' vItlhej je. lutDaj Hoch'e' tugh tlhIngan HolDaq mughlu'ta' DaH
'e' naj loHwI''a'ma'. leS (nem ghap) qaSbejjaj wanI'vam najbogh.

vaj chay' jIghaq 'e' vIDel, loH Dun wImoj vIneHba'mo'.

tujangmeH chaw'be' poH 'e' vISov. vaj leS SujuSlaHjaj.

ghuy'Do


Back to archive top level