tlhIngan-Hol Archive: Thu Apr 14 04:22:24 1994
[Date Prev][Date Next][Thread Prev][Thread Next]
Re: wa'Hu' wanI'
- From: trI'Qal <[email protected]>
- Subject: Re: wa'Hu' wanI'
- Date: Thu, 14 Apr 1994 16:18:49 -0400 (EDT)
Guido #1vo':
>wa'Hu' ram wanI'mo' 'oy' law' vISIQ
>vaj wanI'vetlh vItIvqu'
>ngemDaq maQuj jIH jupwI' je
><Capture the Flag> 'oH Quj pong'e'
>mu'vetlh mughlu'meH <joqwI' yIjon> ghItlhlu'
>puH wIDoQta'bogh wI'avtaHvIS puH luDoQta'bogh ghol lu'el latlhmaj
>joqwI'chaj jonlaH tamtaHwI''e' neH
>puHchajDaq jIHtaHvIS yepwI' vIDa
>Sut Hurgh vItuQ 'ej nom jIqet
>wa'logh batlh maQap 'ej wa'logh batlh Qap ghol
>ghopwIj pe'pu' tI jej 'ej 'oy' 'uSwIj Somraw
>jIjachqu'mo' 'oy' je Hugh
>'a Qapla'majmo' mubelmoH 'oy'vam
>Qujvam'e' chaq Quj <tlhIngan Hol Summer Camp> jeSwI'
DIS Hoch "SCA"Daq Qujvam wIQuj.
'ach <ngem may''a'> wIpong qoj tera'ngan HolDaq mughlu'meH, "Woods Battle"
jatlh nISlu'.
Qujvam wIQujtaHviS, jeS nuv law'.
gholchaj joqwI' lujonmeH, Suvqu'chuq vaj'a'pu' law'.
gholchaj joqwI' nejtaH leghwI'pu' (leghwI'pu'vaD "scouts" pong tera'nganpu').
'ej yaSchajvaD gholchaj Daq luja' je leghwI'pu'.
HeghlaH leghwI' 'ach HoHlaHbe'.
pIj ghol puHDaq SaH leghwI'pu'.
Qobqu'qu' leghwI' Qu'.
reH batlh leghwI' jIH ('ach Qob'a' vIparHa'qu'! {{;) ).
Qujvam vItIvqu'!
maQujtaHvIS, wej joqwI'mey wIlo'.
'ach DaHjaj mu'mey law'qu' vIjatlhta' 'ej jImevnIS.
chaq wa'leS jIja'qa'.
--HoD trI'Qal
tlhwD lIy So'