tlhIngan-Hol Archive: Mon Oct 25 14:50:55 1993

Back to archive top level

To this year's listing

[Date Prev][Date Next][Thread Prev][Thread Next]

Re: porghpu' porghDu' porghmey joq

From: Captain Krankor <[email protected]>
Subject: Re: porghpu' porghDu' porghmey joq
Date: Mon, 25 Oct 93 15:50:55 -0600

porghpu'?  porghDu'?  porghmey?  SaH 'Iv!  qaSlI'bogh vIHarlaHbe'.
SuvwI' Hol jatlhwI' QaQqu' chaH mark'e' charghwI''e' Guido#1'e' je,
'ach not lulo'!  nuch lI'be' HolDaq qay'ghachmey ramqu'
ja'chuqtaHqu' 'e' lumaSlaw' jay'.  jatlh jatlh jatlh!  nuqDaq So'taH
batlhraj?  be'mey qan joStaHqu'ghach rur rInbe'bogh pojraj!
"porghpu'" "porghDu'" "porghmey" joq lo'lu' 'e' SovnISbe' tlhIngan
Hol jatlhQo'bogh vay'.  yIH Hol neH bojatlhqangchugh, vaj "bodies"
yIja'!  Hoch jaj naDevvo' cha'maH jabbI'ID vIHev 'ej tlhIHvo'
bIHlaw' Hoch'e' 'ej nI' Hoch 'ej Dal Hoch 'ej taHqeq Hol lo' Hoch.
'e' vIDoy'choHtaH.  Habqu' SoSra' Quch.  jIjatlh rIntaH.

                    --HoD Qanqor

Prev by Date: Re: porghpu' porghDu' porghmey joq
Next by Date: jarvam Qav nuqDaq vISaHpu'.
Prev by thread: porghpu' porghDu' porghmey joq
Next by thread: tlhInganHomma'
Index(es):