tlhIngan-Hol Archive: Mon Jun 04 13:04:43 2012
[Date Prev][Date Next][Thread Prev][Thread Next]
Re: [Tlhingan-hol] muD Duj SIrgh'a'
On Thu, May 31, 2012 at 9:53 PM, Robyn Stewart <[email protected]> wrote:
> toH. QuQ vIlaQtaHvIS nIn 'Iq Hevchugh, Qapbe'choH. SIrgh'a' DaDelbogh yuv
> naQ qIj 'e' vIpIH. ghor SIrgh'a' SeHbogh naQwIj Doq'e'. HoS poQ naQ qIj 'ach
> DujwIjDaq nIn SeHbe'.
nguv naQmey 'e' vIqawlaH, jIQubqu'chugh. 'ach Segh 'oSbogh rItlh
vIqawbe'. nIn luSeH cha'. vo'wI' tajvaj luSeH cha'. nIn muD luDuDlu'
'e' luSeHlaw' cha'.
>> 'IqtaHvIS je DIngqu'taHghach Qapbe' nIn SeHwI''e'. nIn ghurlaH 'ach
>> nuplaHbe'. QuQ laQHa'meH, "magneto" leQ chu'Ha'nIS.
>
> toH, naQ Doq Daqelbej. Dajqu'. ghorbej'a' SIrgh'a'? chaq ghor nIn SeHwI'
> jan'e'.
qaSDI' jIQupqu'. jIqawchu'be' 'ej 'orwI' vIyu'laHbe'. vItna'
vISovnISchugh Duj QonoS vInuDlaH 'e' chup SoSwI'. Duj rI'Se' per'e'
vIqaw.
'ach Duy'bej SIrgh'a' 'e' vIqaw. Seng wI'olmeH QuQDaq 'er'In vIbej,
me'ghan SeHwI' naQ ruQtaHvIS vavwI'. yuvDI' naQ, vIH "throttle"-Hey
'er'In. luHDI' naQ, vIHbe' 'er'In. yuvbe'taHvIS naQ, "throttle"
vIvIHmoHlaH. yuvpu'DI' ghIq luHpu'DI' naQ, poSlaw'taH "throttle" 'ach
vISoqmoHmeH vIvIHlaH. chaq "throttle" 'oHbe' Doch'e' vIbejbogh 'ej
vIvIHmoHbogh 'ach rurbej.
> SIrghmaj tammeH qaStaHvIS wa'maH rep vumqu' loHwI'ma'. jISaHtaH 'ej loQ
> vIboQ.
tI'lI'ghach vIbuSHa'. vumlu'taHvIS jIDach. maghIQtaHmeH qaS, 'e' neH vISaH.
>> jajvetlh lujmo' SIrgh'a' maDo'bej. ngugh loS Hu' "Chichen Itza"-Daq
>
> vISuchta'!
chaq nagh letlh wab DaQoypu'.
> vISIchmeH <<Let>> muD DujDaq vIlIgh. SeHlawDaq raSya' Hol, DIvI'
> Hol je ghItlhlu' 'ach 'eSpanya' Hol neH lujatlh 'orwI'pu'.
DIvI' Hol jatlhwI'pu' ma'qang mIch muD Duj SeHwI'pu'. DIvI' Hol neH
jatlh 'orwI'. loQ 'eSpanya' Hol jatlh be'nalDaj 'ach 'ormeH lI'be'
mu'tay Sovbogh. Do' ra'wI' lupwI' ja'meH yap. wa'logh "Espera!" jatlh
'e' vIqaw.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol