tlhIngan-Hol Archive: Sat Jul 28 23:50:12 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh loSmaH Soch: neptaH
<html>
<body>
Sunday's installment, ten minutes early for me, but on time for QeS and
ghunchu'wI'.<br><br>
Thrxan says he understands the words of the mysterious song that inspired
vajar.<br>
<font size=4><b> <br>
247: neptaH<br><br>
</b></font><font size=2>jatlh Thrxan, «Sotlaw' 'oH. vImugh 'e' vInID ...»
<br><br>
qagh tlhIngan ghogh. «Mahoun!» jatlh.<br><br>
letlhvo' pawlI' latlh tlhIngan. qaH'eng, Hota'ro' ghap ghaHbe'. Sa' HIp
lamqu' tuQtaHbogh rorwI' ghaH. loQ rIQ qabDaj. ghIHqu' jIbDaj. jeQ 'ej
jotlaw'. choltaHvIS be', MossamvaD tlhup Mahoun, «qImyal!» <br><br>
Mahoun Hubrupchu' Mossam 'ach HIvbe' qImyal. jatlh, «Mahoun HoD, Dun
tu'lummeywIj chu'. Do'Ha' HochHom ghorpu' HeSwI'pu'. tugh latlhmey vIje'.
parmaqqaylI'vaD yIja': pop bajta'. HoDvetlh qal ngu'ta'mo' wo' toy'bej.»
<br><br>
'eSSIm leghlaHbe' Mahoun. tu'lummey bopbogh mu'mey'e' jatlh Mahoun nuj,
mIStaHvIS yabDaj. naDev qImyal tu'lu'chugh, vaj qImyal Duj 'orpu' 'Iv?
be'nI' nIb ghaj'a'? Saghqu'mo' ghu', Mahoun lumerqu' yelwIyyItngan
yaSpu', HaghchoHDI'. Mahoun jup ghaH qImyal'e' 'e' luHarlaw'. tlhIngan
luyajlaHbe'mo' lubuSHa'taH. lut tlhaQ ja'lI'mo' Luhirey HaghtaH latlhpu'.
DughtaH Mossam. <br><br>
ghom'a'Daq Qa'bar legh qImyal. rIpDuy ghoStaHvIS jatlh, «joHwI' quv!
bIrIQbe'chu'mo' lopjaj wo'! DujwIj lunIHta' lotlhwI' 'ong. vIpumlu'meH
nIHIvta'. puqloDlI' chotwI' vIghochlI'mo' munIStaH QuSwI'pu'. wa'Hu'
DujlIjDaq vIQollu'meH botjanmaj wIchu'Ha'DI' pa'wIjDaq DaqwI' jan
lujolta' jay'! jeStaH romuluS wo' 'e' wIqelnIS. pIj romuluS logh ghoS
vajar HoD. romuluSngan bang ghajlaw'. ghaytan ghaHvaD tlhIngan wo' magh.
neptaH! mupumbogh ta ngeb DaHevmeH QuSlaw'taH vajar. Dutojbe'ba' 'ach
ghaytan Dumaw, joHwI'. qornab Hegh cha'. SoHvaD bortaS vISuqmeH
mupIlmoH.» QeHchoHlaw' qImyal. <br><br>
ghu' yaj Mahoun 'e' nID. nepta''a' Hota'ro? Duj tIjpu' vajar jatlh
Hota'ro'. <i>Hov matlh</i> HIvta'chugh vajar'e', qatlh <i>Hov matlh</i>
Hubta' vajar yaS? DuH tlhoj Mahoun. lotlhmo' HoDDaj, tuH Hota'ro' vaj HoD
HIvta'. vajar naDpu'DI' Mahoun, Qay' Hota'ro', DaH 'e' yaj Mahoun. quv
bopDI' tlhIngan Soj, Qobqu'. cha'maH cha' joQDu' ghajtaH Sa'. ghaytan
vultaHvIS Mahoun De' potlh Qoybe'pu'. ghu' yajmeH Mahoun, Qa'bar
qIm.<br><br>
yay'law' Qa'bar. tagha' jatlh, «ta'pu''a' romuluS wo'? qaStaHvIS nungbogh
rep qanaDpu' 'ej qamuSpu' 'ej qaHoHlaw'pu'. qaStaHvIS wejmaH wej DIS
maSovchuqtaH. maboQchuqtaH. tlhIngan wo' Datoy'taH. muQeHqu'moH tavetlh,
qImyal. DujwIjDaq DaqwI' jan vItu'pu' je jIH. qaHoHrupchu'pu'.» <br>
----<br>
SKI: An unexpected wedding guest cordially greets Mahoun and
Qa'bar.<br><br>
</font></body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol