tlhIngan-Hol Archive: Mon Jul 23 23:06:03 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh loSmaH wa': Hoch nuH qel
Hota'ro' has launched a shuttle in order to pursue the escaping qImyal.
241 : Hoch nuH qel
yotlhDaq Saqpu' tlhIngan qughDuj mach. rIpDuy Duj 'oHba'. qughDujDaq
baHtaH qImyal lupDujHom. noDbe'taH qughDuj. nuH HoSmo' wewqu'taH
qughDuj botjan. qughDujDaq yejquv Duy, qaH'eng, Qel je lutu'lu'.
lupDujHomDaq qImyal, vajar je lutu'lu'. rIpDuy, qaH'eng je QanmeH 'ej
qImyal HoHmeH, vajar HoD HoHnIS Hota'ro'. Hota'ro' ghongbogh HoD'e'
HoHmeH Hota'ro' SaHbogh HoD'e' HoHnIS. wIv paybe' Hota'ro'. Qu'vamvaD
Heghqangchu' vajar. DoSDajvaD qImyal Duj 'o' wIv Hota'ro'. pIj 'o'
botjan puj law' 'et botjan puj puS jatlhpu' qImyal, meHDajDaq
toy'taHvIS Hota'ro'. chuq machvo' lupDujHom nISwI' talmey baH Hota'ro'.
loQ wew qImyal 'o' botjan ghIq wewHa'. baHqa' Hota'ro'. botjan
jeylaHbe' lupDujHom nuHmey mach. Hota'ro'Daq baHchoH qImyal Duj.
HoSghajqu'mo' qImyal nuH, tlhoS Hota'ro' botjan lujmoH. Huj'eghqa'meH
Dopvetlh botjan, nom lupDuj tlhe' Hota'ro' 'ach baHqa'DI' qImyal
lujchoH 'et botjan. wa' nISwI' tal Qaw'pu'. qImyal tojmeH, puvtaHvIS,
HuD ghoSchoH Hota'ro'. tlha' qImyal, Hota'ro' 'o' botjan
wewmoHtaHvIS. pay' Derqu' Hota'ro'. tlhoS HuD mup qImyal Duj 'ach
jun. Sal Sa'. Hota'ro'Daq baHtaH 'ach juntaHvIS Hota'ro', ghor
cholqa'Qo' qImyal. rIpDuy Duj mejpu'mo' qImyal, QaplI' Hota'ro' 'ach
qImyal nuH 'omlaHbe'mo' Hota'ro' lupDujHom QIHchoH qImyal. ghaytan
DaH Som naQmoHtaH Surchem neH. lujlI' lolSeHcha', botjan je. tugh
Hegh Hota'ro' 'e' Sov. Sovba' je Sa'. Hota'ro' Duj Hotlhlu'taH.
Heghlu'meH QaQ jajvam. HeghtaHvIS Hota'ro' qImyal HoH 'e' nID.
qImyal SIchlaHmeH veS nuHmey, SalchoH Hota'ro'. logh HeH SIch.
ghangwI'Daq wanbe' yuQ ghor 'ej HurghchoH chal. naDev Duj chang'eng
tu'laHbej veS noch. baHbe'DI' vangqa' Hota'ro'. baHtaH Hota'ro' ghIq
luj ratlhbogh wa' nISwI' tal. jeghbe' Hota'ro'. QuQ tujqu'choHmoHmeH
lISHa' ghIq 'aqroS Do wIv 'ej qImyal Duj qIpmeH ghoSchu'. SeHlawDaq
ghuHtaH Hoch ghummey. buSHa' Hota'ro'. ghoSlI'. baHtaH qImyal 'ach
lupDujHom He choHbe' Hota'ro'. lujDI' Hota'ro' Som wovqu'choH Hoch.
---
SKI: After weapons fail, Hota'ro' rams qImyal's ship with her own.
----
And that is the final chapter ...
... of this 'ay''a'. There's a final 'ay''a' coming to wrap up loose
ends. I DO intend to reveal what the song is about. I considered not
sending any more until qep'a', but there's just enough time to send
them all now, so I'll try to do it.
I have to keep telling people what my novel is "about" but it's hard
to say. I say things like, "It's called nuq bop bom, which means
"what is the song about?" but it's not a quest story. The search for
the meaning of the song is a theme, not part of the plot. The story
is about ... a crew trying to preserve their ship, another crew
regaining their honour, and a love story, plus violent battles, and
honour and redemption. Lots of redemption."
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol