tlhIngan-Hol Archive: Wed Jul 04 23:51:46 2012
[Date Prev][Date Next][Thread Prev][Thread Next]
[Tlhingan-hol] chIjwI' tIQ bom: {baQ} {DeH} je
qen KGT vIlaDqa'. wotmey {baQ} {DeH} je bop 'ay' vIlaDbogh. pay' vay'
vItlhoj: tlhInganpu'vaD, DeHbogh naH qaq law' baQbogh naH qaq puS 'e'
QIjchu' KGT.
<< QeS, ramchu' ngoDvetlh jay' >> net Qub 'e' vIloy.
chaq. 'ach chang'engvetlh vIlo' << chIjwI' tIQ bom >> (The Rime of the
Ancient Mariner) vImughtaHvIS. law'/puS mu'tlheghDaq chang'eng vIlo'
'ej {puS}vaD {DeH} vIlo'. KGT vIlaDDI', {DeH} vIlo'Ha' 'e' vItlhoj.
qay'choH; DIvI' Hol RimeDaq, rurchuqchu' mu'tlheghmey 'o'megh law',
'ej tlhIngan Hol chovnatlh vIqontaHvIS mIwvetlh vIchoq 'e' vInIDqu'.
vaj {baQ} {DeH} je vIyoynISmoH; 'ach yoypu'ghachvetlh neH vIta'laHbe',
mu'tlhegh 'o'meghmey vIrurHa'chuqmoHmo' vIyoymoHchugh.
vay' vIDubnIS, vaj vIruchta'.
chIrgh leng wIlengtaHvIS maH tay'
mutlhejqangchugh nuv QaQ,
Dunqu'; jIHvaD lengvetlh 'ey DeH
SawwI' 'uQ'a' 'ey baQ!
O sweeter than the marriage-feast,
'Tis sweeter far to me,
To walk together to the kirk
With a goodly company!
{maH tay'} lajlu' 'e' vISIv. 'ach vIlaj jIH'e' 'ej vIparHa'. {{:)
QeS 'utlh
SKI: QeS revises a verse of the Rime of the Ancient Mariner in light
of rereading something from KGT.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol