tlhIngan-Hol Archive: Mon Jul 02 10:27:16 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh cha'maH Soch: SuchwI' Hat
vajar had just broached the topic of capturing engineering to qaH'eng.
In addition to the direct speech punctuation
style change, I've also changed the ship names to
italics instead of being set off by asterisks.
Again, possibly a problem in your mailer, but
it's toward a good end for the ghItlh.
227
SuchwI' Hat
jolpa' 'el ngaH. lutlhej cha' 'avwI'pu' vaQ.
taDchoH Dugh beq. jatlh ngaH, «qaH'eng Sogh,
qatlh wej bIQolpu'? yIjaH! tugh!» jolpat ravDaq jonwI' luch buq leghlaH vajar.
jatlh qaH'eng, «qaH, murI'qa' meH. tlhoS
mayajchuqlaHbe'. qay'bej QumwI' pat. maH neH
nurI'laH.tlhoS Seng vIpojlaw'ta'. jIQolchugh 'ej Qu' taghnISchoHchugh latlh--»
qagh ngaH. jatlh, «patmey vItI'laH jIH, Sogh.
chaq nIS tatmey neH. SoH DupoQ yejquv Duy. SIbI'
yIQol. nIb Sa' lupDujHom meH bobcho', rIpDuy
qughwI' meH bobcho' 'e' vIHar. pImchugh vay'
DalISlaH.» qaH'engvaD bobcho'Hey nob ngaH.
vajar, Hota'ro', ghutar je legh ngaH. jatlh,
«qaH'eng, jonwI' choQ ngaQmoHta'mo' Hung, naDev
SuchwI' lutuchlu' 'e' DaSov. DabIjlu'.» ngaH jen
law' qaH'eng DeSqIv jen rap, vaj loQ tlhaQ bIj
qechvetlh 'ach tIn 'avwI'pu'Daj. munrup vajar
'ach bIj buQpu'bogh buSbe' ngaH. jatlh, «Qoreq
Sogh, Qugh Qel yISam 'ej Quv rapDaq qaH'eng ghaH
je tIjol. ghIq SuchwI'pu'vam tImejmoH.» QoreqvaD
Quv nob ngaH ghIq mej ghaH, 'avwI'pu'Daj je. QuchchoHpu' Qoreq.
jatlh ghutar, «lullI' Duj bID 'e' tu'be''a' pInra'?»
jatlh Qoreq, «patmeyDaj buStaH. qaH'eng, QumwI'
pat DanISpu'chugh, chay' Qel vISam?» ngep
qaH'eng, ghIq nom Qugh Qel Sam Qoreq. pa'DajDaq
QongtaH. vemmoH Qoreq 'ej jatlh «yIQolrup.» SID
De' Sov neH Qel 'ach janglaHbe' Qoreq. Qel
pa'vo', yejquv Duy DujDaq Qel jolchu' Qoreq.
SIbI' qaH'eng jolrup je Qoreq 'ach jolpat rav lItQo' qaH'eng.
jatlh qaH'eng. «Hung ghochwI' botojpu' tugh 'e'
tlhoj qImyal. Hoch meH patmey vIbotbe'nIS.
Dujmaj'e' wIHubmeH, noch ghajnIS. Dotlh
Sovchu'be' meH 'ach qaSlI' QuDHey 'e' Sovbej qImyal Sa'.»
«meHDaq SaHbe'taH qImyal», jatlh vajar.
«joy'wI' pa'DajDaq vajar loSlI' jatlhlu'», jatlh Hota'ro'.
«wIHoHmeH pa' ghojol», jatlh ghutar.
«Hung patmeymo' pa' SajollaHbe'. ngepmeH, pa'
ghoSnIS vay'. lu'av QaSDaj matlhchu' je.» chaq
matlhchu'qu'be' QaS 'e' Sov vajar 'ach lugh
qaH'eng. may'DujDaq HoD pa'mey Hubqu'lu'bej 'ej le'moH ngIq HoD.
jatlh Qoreq, «vIQorghlaH, qaH'eng. qay'be'.
DuloSlI' rIpDuy. yIjaH.» paw' qaH'eng Hota'ro je, Qolpa' qaH'eng.
---
SKI: qaH'eng has to beam down to the councillor's
ship, so Qoreq will help vajar & crew.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol