tlhIngan-Hol Archive: Sun Jul 01 19:13:46 2012
[Date Prev][Date Next][Thread Prev][Thread Next]
Re: [Tlhingan-hol] nuq bop bom: 'ay' cha'vatlh wa'maH wej: SID quv
On Sat, Jun 16, 2012 at 11:57 AM, Qov <[email protected]> wrote:
> DorwI'DajvaD jatlhDI' vajar, "yaS wa'DIch vISuch vIneH," meH rI' 'avwI'.
> Such vajar net tuch. QIjbe'.
meHDaq neH SuchlaHbe''a'? QIjbe'mo' tuchbogh chut Sovbe' vajar.
> Qonglaw'taHmo' ngaH, SuchlaHbe' je.
DaHjaj Do'be'.
> ya chupDI' vajar jatlh 'avwI', "qaH, yama' DaSuchnISqu'be'chugh, DaSuchbe'
> 'e' vIqeS." bItqu' 'avwI' 'e' tu' vajar. Dujvam muStaH vajar. yaSvetlh Segh
> qaw. may'Duj ra'chugh vajar, yaS'e' rI'vIpbogh beq HoH. Qumqangbe'chugh
> DujvaD ghaqbe'.
(yaS Segh pIm vISIQchoH. tlhoy Qumchugh, Qu' nISlaH.)
> tagha' jatlh vajar, "ropyaH vIghoS vIneH." ghochvetlh'e' laj 'avwI' 'ej
> lujaH. lu'elDI' loSlI' reghtaHbogh SuvwI', boQlI'bogh maqochDaj je.
(loSmeH pa' vISovbogh vIbuSHa'laHbe'. raS machDaq QonoSmey ngo' lutu'lu'...)
> rIQ
> SuvwI' 'uS. SevmeyDaq 'uy' maqochDaj 'ach 'Iw nIjtaH.
I wouldn't have used {nIj} with an object, but as there's no real
guidance in its definition one way or the other, I can't object to it.
> tugh SuvwI' rIQ tlhap
> Qel.
>
> mejpu'DI' vajar DorwI', SID maqochvaD jatlh vajar, "ghaHvaD qaSpu' nuq?"
>
> Hem maqoch. jatlh, "batlhHa' ra'ta' ra'wI'ma'. quvHa''eghQo'mo' maqochwI',
> ta'Qo'. ra'wI' qaD. Suvchuq. luj maqochwI' 'ach ghaHmo' Qu'vetlh quvHa'
> ta'Qo' wey naQ. tlhIngan maH. batlhHa' vanglu'taHvIS quv chavbe'lu'. tagha'
> quvHa' Qu' 'e' chID je ra'wI'ma'. mochDaj'e' qaDmeH mej."
SuvDI' Qapmo' ra'wI', ra'meH 'umba'. Qu' quvHa''e' tagha' lajQo'mo', 'umchu'.
> "majQa'," jatlh vajar. "nuq 'oH Qu''e'?"
>
> jatlh mang, "QI' pegh vI'angQo'."
quvHa'bogh QI' pegh 'angnIS vay''e'.
> yaj vajar, 'ach qaSpu'DI' vagh lup jatlh
> mang, "yuQDaq tlhIngan rewbe' juH wImeQmoHchu' net ra', 'oHDaq QongtaHvIS
> tlhIngan. DaHarlaH'a'?" QeHchoH mang jatlhtaHvIS. jatlh, "Qu'vetlh quvHa'
> ta'qangchugh latlh wey, qIvonDu'chaj Sopjaj Suy'!"
HeghnIS 'eSSIm 'e' wuq 'Iv? 'ej qatlh wuq? qImyal meq vISovchugh
ghaytan vIlajQo'.
«qIvon qIvon je -- nuq 'oH qIvon'e'?»
> gharben cha' Dab wa'
> tlhIngan neH jatlhpu' 'eSSIm. qatlh 'eSSIm chot neH qImyal? ghuHmoHlaH'a'
> vajar? qaStaHvIS lup rav'eq bej vajar. tu' mang. jatlh, "ta' quvHa'
> vInaDHa'taHmo' bepchugh DaqwI' quvDaj'e' nuDnIS jay'."
mangvam naDbej ghutar.
> lopno'qoqDajvaD jeS
> SID, maqochDaj je 'e' tlhob vajar.
quvwI'Hey boSlI'.
> chol Qugh Qel. "vajar HoD," jatlh, vajar lunuDba'taHvIS mInDu'Daj.
> rIQbe'law'mo' vajar mIStaH Qugh. jatlh "qay' nuq?"
>
> jatlh vajar, "jIHvaD QoymoHwI'mey nob qaH'eng. DaboQta', qar'a'?"
>
> jatlh Qel, "HIja', wab chaDvay'mey SIghlu'pu'bogh vIngu' 'ej teSlIjDaq
> rurqu'meH HotlhwI' ta lo'. DaparHa''a'?"
>
> jatlh vajar, "Dun bIH! 'ach DaHjaj ram SIStaHvIS vIngchoH. chaq Qapchu'be'.
> Dujmey law' DachIjpu'. Hoch vIQoynISbogh vIQoytaH 'e' yI'ol.
" Qav chIllu'pu'.
> ----
> SKI: vajar gets his hearing checked and invites the doctor to his "birthday" party.
'ay' veb'e' Dellaw'.
-- ghunchu'wI'
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol