tlhIngan-Hol Archive: Mon Feb 13 06:35:24 2012
[Date Prev][Date Next][Thread Prev][Thread Next]
Re: [Tlhingan-hol] Qaghmo' tIn mIS
bong FelixvaD neH jabbI'IDvam vIlI'.
jIloytaH ...
vutpa' jaH tera'ngan. cheghDI' cha' HIvje' qem. tlhInganvaD wa' nob.
tlhutlh tlhIngan. ghIq Hegh tera'ngan.
chay' Qagh tera'ngan?
6. nIm 'Iq tlhutlhpu'mo' tera'ngan tIqDajDaq vI'pu' tlhagh 'ej
SeychoHDI' tera'ngan QapHa'choH tIqDaj.
7. vIghro' mIllogh cha'bogh HIvje''e' neHpu' tlhIngan.
8. HIq nop tera'ngan.
9. HIvje'Daq latlh tera'ngan tu'lu'. tera'ngan yagh 'oH. tlhutlhlu'pu'mo' Hegh.
10. wabHom Qoypu'bogh ngu'Ha'ta' tera'ngan. qa'vIn vutlu'pu' 'ej
vutpa'Daq chemvaH tu'lu' je. tlhutlhtaHvIS tera'ngan, HoH chemvaH.
11. bong tlhIngan betleHDaq ba'choH tera'ngan.
12. pe'vIl He'So'bogh Qe'pIt vo'pu'mo' tlhIngan voQ tera'ngan.
13. Duj toy'taHvIS Heghbe'mo' tera'ngan, Qagh.
14. tlhInganvaD malja' Huq 'e' nIDmo', Qagh.
15. qa'vIn tlhutlhbe'pu' tlhIngan. tera'ngan 'Iw tlhutlhta'.
16. tlhIngan ralmoH qa'vIn.
mu'meylIj vIbuS: <teHbe' lut. vaj yajHa'chu' pagh. jaS yaj neH.>
chay' jaS yajlaH vay' 'e' vISIv.
bIjatlh: DaSambe' 'e' DaSovbej'a'? chaq qIDHey Da loS 'ach jIqID'a'?
pegh vISamta'bogh muyonbe'pu'. vItu'pu'chugh vIyajchu'be'.
choboQ DaneHchugh HIja': tlhIngan Hol wuv'a' pegh? tlhIngan tIgh wuv'a'?
not jIjegh. tugh qaDvam Dapay. :-)
- Qov
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol
![[KLI Member]](/pics/KLImemberbutton.gif "[KLI Member]"){kind=small}
![[Hol po'wI']](/pics/level3_big.png "[Hol po'wI']"){kind=small}