tlhIngan-Hol Archive: Sat Feb 04 15:48:15 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh loSmaH vagh: <nov tIgh>
What, is she still doing that? When is she going
to stop? Muahaha. Remember when this list could be quiet for weeks?
----
Anyway, last ep, Essim seemed pleased with the
construction workers that Warfare sent her for the afternoon.
145
nov tIgh
yon 'eSSIm porgh 'a bIt yabDaj. Farsajii rI'qa'.
jang be' rap. mughwI' jan chu'be'. 'eSSIm
jatlhvIplaw'. SIbI' jabbI'ID yev. rarHa'pu' 'e'
Har 'eSSIm ghIq jang Mahoun. QuchHa'law'taH.
?Sagh'a' chachraj?? jatlh 'eSSIm. SaHtaHmo' 'ej pIvlaw'taHmo' Mahoun, bel.
jatlh Mahoun, ?beqpu'wI' DaghIjpu'mo' 'ej
DabuQlaw'pu'mo', cholDI' tlhIngan may'Duj nuHIv
'e' luHar. chach lumaqta'. vIpIchbe'. DaH qa'meH
vIttlheghqoqlIj vIQIjta' 'ach jotchoHDI' DaH
bIrI', reghtaHvIS. chIjwI'wI' DaghIjqu'mo' DaSaQmoH . chay' bIrIQchoH??
jatlh 'eSSIm, ?ram. jIrIQqu'be'. jIHmo' SaH
may'Dujvetlh. lIHIvbe'. jInmolwIjvaD luch luHIj beqpu'.?
?nISuv'a'?? jatlh Mahoun.
?maHun! ram jIjatlh,? jatlh 'eSSIm.
jatlh Mahoun, ?DaQIDlu'DI' ? ram. choHoH 'e'
DanIDDI' ? ram. yaSwI' HoHDI' joy'wI' ? ram.
jIHvaD potlh Dochmeyvam. matay'laHtaHbe' DaH 'e'
Dayaj'a'? bIQob! 'ej jIHvaD ghaytan Qob je jaghpu' DaSuvlI'bogh.?
jatlh 'eSSIm, ?maHun, jaghpu'qoq tIHajQo'. mangaghta' neH. ramqu'.?
nom mu'meyDaj jatlh Mahoun, ?ghuy'cha', 'eSSIm!
bImIymeH chorI''a'? qatlh chobojtaH??
jatlh 'eSSIm, ?chach boSIQlaw'mo' DotlhlIj vI'ol
vIneH neH.? lugh Mahoun. qatlh jatlhtaH? jaS quv'eghnISqa'.
jatlh Mahoun, ?DaH Da'olpu'. jIpIvtaH 'ej jIpuQ.
DotlhwIj SaHchugh vay' muHoH 'e' nIDbe'. tIghmaj
Dayaj 'e' DanIDlaHbe'chu''a'? tlhIngan quv
bop'a'? DaH chIjwI'wI' vIjotnISqa'moH.? quvDaj
qaDpu'mo' Mahoun, quv'e' DaH bopchoHbej. jabbI'ID vanmeH vIHchoH Mahoun ghop.
?yIloS!? jatlh 'eSSIm. ?nuq 'oH chIjwI'lI' pong'e'??
?Tiadynsan,? jatlh Mahoun. ?chIjwI' jIHbe'. vIwuv.?
jatlh 'eSSIm, ?vIghIjpu' 'e' vIpay. tIghmeyrajvaD
chay' ghaHvaD jItlhIj? yel Hol mu'mey HIghojmoH.?
pIHlaw' Mahoun 'ach mu'mey jatlh. mugh. <jItlhIj
'e' yIlajneS> 'oS neH. Hoch HeSmeyvaD qar, 'ach
HeSqu'chugh vay' ghaytan lajQo' latlh.
Qatlhqu'be' mu'mey. qeqmeH mu'mey jatlhDI' 'eSSIm, Hagh Mahoun.
?qatlh tlhaQ?? jatlh 'eSSIm.
jatlh Mahoun, ?bI'Ilbe'. DajatlhtaHvIS bIqu'.?
'Ilchugh vay qu'nIS, qar'a'? jatlh 'eSSIm, ?jIqu'be'nIS'a'??
---
SKI: Essim asks how to apologize to Mahoun's frightened navigator.
---
I love languages so much. You have no idea how
many language-related scenes I write and delete.
I'm hacking up one right now, between 'eSSIm and
Mahoun's security chief. If you're very lucky
I'll just get out a translator machine, but there
will still be cross-cultural issues.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol