tlhIngan-Hol Archive: Wed Aug 22 08:43:50 2012
[Date Prev][Date Next][Thread Prev][Thread Next]
[Tlhingan-hol] nuq bop bom: cha'vatlh vaghmaH cha': ghangpu' lopno'
<html>
<body>
Sadly, QeS appears not to have posted an installment of mIl'oD veDDIr loD
before his day ended, so you'll have to settle for a chapter from nuq bop
bom. Nope, it's not over. It' just that I got busy and no one
seemed to miss it, but tough, you're stuck with it again anyway.<br><br>
You may recall that after watching qImyal screaming in agony for a bit,
Mahoun helped an injured warrior up the stairs, to where Dr. Kruge is
working to aid the survivors of the wedding reception. <br><br>
252: ghangpu' lopno'<br><br>
<font size=2>beb luSIchDI' pujchoHpu' qImyal beymey. tagha' jachbe'choH.
bebDaq SaH Qugh, Mossam, 'eSSIm je 'ach Dach latlh yelwIyyItnganpu'.
jatlh Qugh, «chaH luQollu'. rI' DujHeyraj. nuvpu' pIv, lommey je jol.»
wej wanI'vetlh qelrup Mahoun. jatlhlaHbe'taH 'eSSIm 'ach Mahoun ghop
'uchDI' HoS nItlhDu'Daj. QumwI' chu'DI' Qa'bar ngoS Qe' beb 'ej nargh
<i>Hov matlh</i> qoD.<br><br>
SIbI' raSDaq 'Iw Doq'e' ngoHpu'bogh ghop legh Mahoun. naDev ghoblaw'pu'
vay'. meH ravDaq QottaHbogh nuv 'uSDu' leghlaH. 'oy' wabmey QoylaH.
«qaH'eng Sogh!» jatlh Qa'bar, nom jolpat ravvo' lItHa'taHvIS. meH SIchDI'
HaghchoH rIpDuy. jatlh, «ghangpu' lopno', be'pu'. petuQ'eghmoH.»
<br><br>
'eSSIm, Mossam, vajar je Qorgh Qugh 'ej qIvDaj'e' ghorpu'bogh qImyal
Qorgh je. Mossam jol <i>Farsajii</i>. DujDaj ghoS je neH Mahoun 'ach leng
'eSSIm 'e' tuch Qel 'ej lon neHbe' Mahoun. «vor'eghnIS Hugh. ghaytan
wa'leS jatlhqa'laH», jatlhpu' Qel.<br><br>
<i>veS</i> rI' Qa'bar. lIH'egh 'ej jatlh, «qaStaHvIS lopno',
gho'Ha'pu'mo' qImyal Sa', bebvo' pum. Hegh. Dujraj QonoSvaD rawI'ra' Hegh
'ollaH Qugh Qel.» [331]<br><br>
jang <i>veS</i> yaS, «ra'wI'ma' ghaHbe'. batlhHa' vangmo' Sa', gheSta'
ra'wI' chu'.» pong, patlh je jatlh. ghovbe' Mahoun 'ach bellaw' qaH'eng.
<br><br>
jabbI'ID vanpu'DI' Qa'bar, jatlh, «batlhHa' vangta' qImyal chay' 'e'
luSov chaH?» <br><br>
wanI'mey luSIQpu'bogh QIj Hoch. tarven ta'e' qengpu'bogh Mahoun Del
Qa'bar. tarben tamey nejtaH qImyal 'ach qama'Daq tu'lu' not 'e'
loy'be'.<br><br>
jatlh qaH'eng, «joHwI', DuHIv not 'e' wIpIH.» <br><br>
jatlh Qa'bar, «vIpIHbe'bejpu'! qaStaHvIS wejmaH DIS vIvoqtaH. DujwIj
HIvDI' mumaghta' ghaH 'e' vIHarQo'. luta'pu' romuluSngan jatlhDI', vIHar
vIneHqu'mo' vIHarpu'! jIQIplaw' 'ach vay' vIboqmeH vIvoqnIS 'ej boqmey
vIchenmoHlaHqu'mo' jIHoSghaj. boqlaHbe'chugh vay' chay' wo' SachmoHlaH?
nIteb Hoch jagh charghlaHbe' vay'.» Qa'bar luyaj. <i>veS</i>Daq
voqHa'chuqtaHmo' yaSpu' taHpu' ghu' DunHa'. Mahoun voqpu' vajar 'e'
ngIlmo' DaH yIntaH. <br><br>
rI' <i>veS</i>. jatlh ghogh, «qaH'eng Sogh, pa' rIn'a' Qu'lIj? pIpoQqu'.
mejpa' qImyal, jorneb nIHlaw'ta'. chetvI'vo' jol. may'Duj <i>lotlhwI'</i>
ghu' rur. Duj Qaw'meH vogh So'ta' 'ej jorbeH 'e' wIHaj. Sambe'pu' noch.
qImyal QaS vIbotmeH pay' jolpat vIchu'Ha'ta'mo', jolpat tamey
vInaw'laHbe'. bImejpu'pa' patmey DanIStaHmo' chaq mIw pegh DaSov?»
<br><br>
jatlh qaH'eng, «ngaH HoD? patmey vInIStaH 'e' DaSov'a'?» [322]<br><br>
jatlh ngaH, «vISovba'pu'. QIpbe'nIS machqu'wI'. DaH DujlIj yIHub:
jornebvam wISammeH mIw Da'oghlaH'a'?» <br>
</font>----<br>
SKI: qImyal may be dead, but there seems to be another problem onboard
veS.<br>
----<br>
[322] HoD is just her rank, always was, she isn't the new captain or
anything.<br><br>
[331] Is falling off a roof during an alien's wedding reception more or
less honourable than dying in bed?<br><br>
</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol