tlhIngan-Hol Archive: Fri Aug 03 03:45:27 2012

Back to archive top level

To this year's listing



[Date Prev][Date Next][Thread Prev][Thread Next]

[Tlhingan-hol] mIl'oD veDDIr SuvwI': 'ay' 4 - reH DuSIgh vavlI'

Rohan Fenwick - QeS 'utlh ([email protected])



<html>
<head>
<style><!--
.hmmessage P
{
margin:0px;
padding:0px
}
body.hmmessage
{
font-size: 10pt;
font-family:Tahoma
}
--></style></head>
<body class='hmmessage'><div dir='ltr'>
In the previous 'ay', the new queen tIna'tIn was unsure of whether she could live up to the lordship's responsibilities, and her father offered some advice.<br><br>Warnings: None, although those of Ferengi extraction may find this 'ay' deeply disturbing.<br><br>4. reH DuSIgh vavlI'<br><br>vavDaj qeS valqu' Qoychu'taH tIna'tIn joH. qoghDaj tuQmoHtaH 'ej 'Ijchu'taH qeStaHvIS vavDaj. tagha' lop tIvmeH mej vavDaj. tlhutlh 'utlh, Quj, 'ej Quchqu'. tIna'tIn'e', QorghwI'Daj quvqu' voqchu'bogh rIt[1], 'ej ghaHvaD jatlh: «mIpwIj Hoch DaQanpu'bogh 'ej DangaQmoHtaHbogh HIqeng; joH puqbe' jIHtaHvIS mIp Hoch vIvI'pu'bogh HIqeng.» ghaHvaD qengchu' QorghwI'Daj. ghIq nuvpu' mIpvaD nuvpu' mIpHa'vaD je Hoch mIp vI'pu'bogh nobchoH tIna'tIn, 'ej nuvpu'vetlh mIpmoH. SaHbe'law'taHvIS nobtaH, toghbe'bejtaHvIS nobtaH, Doy'be'choHtaHvIS nobtaH. ghIq jatlh: «Qu''e' mughojmoHta'bogh vavwI' vIchav 'e' vIHech, 'ej pagh pollu' vIneHbej.»<br>ghIq Ha'DIbaH QorghwI'Daj rIt tIna'tIn. ra', «SarghmeywIj tangqa'meywIj je tItlhabmoH 'ej naDev tIDev,» jatlh. lob QorghwI'Daj, 'ej tIna'tIn'e' toghbe'taHvIS nobtaH, Doy'be'choHtaHvIS nobtaH. DochmeyDaj wagh, 'aHDaj wagh je yIr negh; HuchvaD HuDmey chenmoH, mIpvaD mIvmey buy'moH. tlhoS SuyDuj luweHbogh nIHwI'pu''e' rur. tIna'tIn ngem Sarghmey pup nge'. mIp peDqu'taHbogh 'eng rur tIna'tIn nobtaHghach[2]; nIvwI'pu' QIvwI'pu' je mIpmoH ghaH, 'ej mej pagh chImtaHvIS ghopDu'chaj.<br>jaj veb, 'uQ'a' jablu'; tlhutlhmeH Soj, SopmeH Soj je luvutlu'. Quch'eghmoHmeH ghomchuqpu' negh law', 'ej QuchtaH. 'ach yav bej tIna'tIn joH vav; 'IQqu'law' qabDaj. tagha' jatlhchuq negh: «qatlh 'IQqu'? nuq 'oH 'ItmeH meqDaj'e'?» raS megh'anDaq ba'taH 'avtanDIl'e', mangghom ra'wI'; jul rur qabDaj, qettaHvIS Hun rur, SuvtaHvIS mughato' rur.[3] ghaH retlhDaq ba'taH je qeSwI''a' qan, Soghrat. jatlhchuq chaH, 'avtanDIl Soghrat je: «roStevan 'utlh DachmoH nuq, 'ej qatlh chISchoH qabDaj?»<br>tagha' wuq chaH, jatlhchuq: «'utlh yab yotlaw'pu' qech mIgh; naDev qaSbe'ba'pu'qu' SujlaHbogh vay'.» ghIq jatlh 'avtanDIl: «wItlhobjaj, 'o Soghrat, ghaH tuHmoHta'bogh ta'maj'e' nuja'meH wItlhobjaj.» vaj QamchoH Soghrat 'avtanDIl je; HIvje'meychaj tebmoH 'ej roStevan 'utlh tlhopDaq torchoH, nguqHa'taHvIS chaH. mon Hoch cha', jatlhchu'taHvIS qeSwI''a'.<br><br>--------<br>[1] Loving this verb. Just sayin'.<br>[2] And I do mean nobtaHghach: "a continual giving".<br><br>SKI: tIna'tIn takes her father's advice to heart.<br><br>QeS<br> 		 	   		  </div></body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol


Back to archive top level