tlhIngan-Hol Archive: Wed Aug 01 22:51:16 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' cha'vatlh vaghmaH wa': DuQpu'
<html>
<body>
Mahoun watched qImyal end up pretty much like the pig did back in 'ay''a'
loS.<br><br>
Do you really need a content warning after that? Nothing worse than
that happens in this chapter. I believe nothing worse happens in the
entire story. Blood and field surgery in this 'ay'.<br><br>
251: DuQpu'<br><br>
<font size=2>«Mahoun! naDev yIghoS!» jatlh ghogh. tlhe''egh Mahoun.
bebDaq ba'taH Qugh Qel. Mahoun rIttaH ghaH. ghoS Mahoun. rIQqu' Mossam
'ej yIntaH. ghobchuqlaw' ghaH Qel je. Qel retlhDaq QottaH 'eSSIm. reghbe'
'ach voQlaw'lI'. vulbe'. Mahoun leghlaHba'. jatlh 'e' nID 'ach luj.
'eSSIm Hugh mupta' qImyal. <br><br>
«Qel! 'eSSIm yIQaH! tlhuHlaHbe'!» jatlh Mahoun. <br><br>
«tlhuHlaHmeH HughDaj vIpe'nIS. mubottaH yelwIyyItngan», jatlh Qel.
Mossamvo' DeSDaj tlhabmoH 'e' nID. <br><br>
jatlh Mossam, «Mahoun! 'eSSIm Hugh SIj 'e' nID!»<br><br>
QIjDI' Mahoun, Qel nISbe'choH Mossam. 'eSSIm Hugh DuQtaHvIS Qel,
bejlaHbe' Mahoun, 'ach Qap mIw. HughDajDaq 'och machmo' tlhuHlaH 'eSSIm.
[315] Mossam nuDchoH Qel. jatlh Qugh, «rIQlaw chejDaj. latlh luch vIpoQ.
Qa'bar DujDaq tu'lu'. nuqDaq ghaH? qIvwIj ghorta'mo' qImyal
vIQamchoHlaHbe'.» <br><br>
meQlI' qImyal 'e' bejmeH ghIrpu' Qa'bar. rIt Mahoun 'e' nID 'ach bot
qImyal beymey. ghaHvaD jatlhmeH Mahoun, letlh ghIr. meQtaHvIS qImyal
porgh tettaH tlhaghDaj. Suy' vutlu'lI'bogh rurchu'. vengHom nganpu'
ghommoHpu' qul, qImyal beymey je. Qa'bar SIchmeH ghom'a' juSnIS Mahoun.
leghDI' Qa'bar jatlh, «chay' DujDajDaq meQbe'pu'? wIQaw'pu' 'ej DI
wIHotlhchu'.» <br><br>
Mahoun 'emvo' jang ghogh. «puvbogh quS ghaj.» tlhe''egh Mahoun Qa'bar je.
vajar HoD lulegh. 'Iwmo' Hum jIbDaj. Qeqchu'be' mInDu'Daj. DaSmey poghmey
je Hutlh 'ej qabDaj 'uSDu'Daj rIQmoHpu' pachHomHey. rIQqu' je yaDDu'Daj.
baS 'ay' jej 'uchtaH. betleH rur 'ach Duj 'ay' 'oHlaw'. meQtaHvIS qImyal
porgh neSlo' Da. wovmoH qul. jatlh vajar, «meHHomDajDaq qImyal
vISuvtaHvIS poSchoH Som 'ej chal vIlegh. Hegh vIpIH 'ach pay' puvchoH
qImyal quS. Sa' Dechpu' Surchem vI'uchtaHvIS. pum Duj DI 'ach pumbe' quS.
maw', qar'a'? nachwIj mupqu'taH qImyal. jIleghlaHchu'be'. chaq Dochmey
DuHHa' vIqaw.» <br><br>
jatlh Qa'bar, «DuHHa'be'. ghaj yuQjIjDIvI'. nuchpu' chaHmo' Duj HubtaHvIS
HeghvIp. wa'logh yo'vaD pat wIDaj 'ach lo'Qo' HochHom. bong chu'DI'
chachmey qaSmoHmo' ngong lonlu'.» <br><br>
jatlh Mahoun, «qaH, SID QorghmeH Qel, DujlIj ghoSnIS.» letlh SalmeH
Qa'bar, nom Qe' 'el. <br><br>
jatlh vajar, «Mahoun HoD, volchaHlIj HInoj.» yaj Mahoun. tlhoS yItlaHbe'
vajar. letlh SalmeH boQ Mahoun.<br>
---<br>
SKI: Mahoun helps the doctor with two patients Mahoun cares about.<br>
---<br>
</font>[315] Emergency tracheotomy: surely the highlight of many a first
aid class. It's still on for a compromised airway after a laryngeal
fracture.
<a href="http://emedicine.medscape.com/article/865277-overview#a03";>
http://emedicine.medscape.com/article/865277-overview#a03</a> <br><br>
</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol