tlhIngan-Hol Archive: Sat Apr 21 07:35:12 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh javmaH chorgh: SuchwI'pu'
vajar and crew joined a crowd in the corridor, queuing for shore leave.
168: SuchwI'pu'
Saqghom chutmey jatlhtaH 'ej wamwI'pu'vaD gheD mub perbogh navmey'e'
nob bu'. Hagh wa' SuvwI' 'e' Qoy vajar. jatlh, "Ha'DIbaH vIleghDI'
vIHoH. bong Ha'DIbaH muj vIHoHchugh mubIjlaHbe' Sungpu''e'."
SIbI' jang ghoghmey law', "Daruchchugh tlhIngan batlh DamuchHa'!"
"DubIj quvHa'ghachlIj'e'." batlh quv je bopchu'. ghutar SoQmey rur.
pay' ghutar pong jach ghogh. Qupbe'mo', ghutar vav ghaHlaH
jatlhlI'bogh loD'e'. jatlh "bIQol'a'? ghotlhej! mawam! Doj betleHlIj'!"
paw' wamwI' Sey, ghutar je. jatlh ghutar, "jIwampa' HoDwI'
vItlhejnIS. tej wIquvnISmoH." wamwI'vaD jawchoH ghutar.
De'wI' ghajtaHbogh bu' ghoS vajar. jatlh, "yuQDaq tlhIngan Satlh mID
wISuch jIH beqwIj je. Quv boSovlaw'."
"nuq 'oH mI'lIj'e', HoD?" jatlh bu'. QI' mI'Daj ja' vajar. tetlhDaj
laD bu'. jatlh, "ra'wI' tetlhDaq mI'lIj tu'lu'be'chugh bIQol net
tuch. 'e' ra' qImyal Sa'."
"qImyal Sa' beq maHbe'," jatlh vajar. "SuchwI'pu' maH. qImyal Sa'
wISuchta' 'ej DaH ghorDaq tej potlh wISuch. qama'pu' maHbe'." pIHlaw' bu'.
jatlh Hota'ro', "bu', HoDwI' De' 'ollaH Qugh Qel." ropyaH rI' bu' 'ej
Dotlhchaj 'olta'DI' Qel ghogh, tetlhDaq pongmeychaj chel bu'.
chob'a'Daq ghutar luqIm nuv law'. lagh Qup luDech cha'maH SuvwI'pu'.
jatlhlI' ghutar. tonSaw', quv je poj. rurchuq 'ej rurbe'chuq.
jatlhDI' latlhpu' ghoHbe'. ghaqbej. quv luqeltaHvIS may'morgh lurur.
quv luyajmeH jIjchu' 'ej DevtaH HoS choHwI' tamlaHbe'bogh lagh'e'.
laH Daj 'agh.
jatlh ghogh, "wamwI' ghom veb!" ghoSchoH nIH loSwI'pu', ghutar
vantaHvIS 'ej naDtaHvIS.
"Qapla'!" jatlh ghutar.
"ghutar," jatlh vajar, "qatlh SoQmey Damuch?"
jatlh ghutar, "SoQ vImuch 'e' vIHechbe', HoD. tej vISuchnISmo'
muvaqDI' vay'. quv qechmeywIj vIQIj. 'IjchoH latlhpu'. jIjatlhtaH.
jIra'be'. quv vIyajmeH jIghel neH. naDev law' valbogh SuvwI' quv ."
nuj poSmoHDI' ghutar quv bop. DaH ra'wI' HoHmeH betleH lolu' 'e'
chupbe'mo' yon vajar.
----
SKI: vajar watches older warriors recognize and respect ghutar, and
Hota'ro' knows whom to call to negotiate for their shore leave opportunity.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol