tlhIngan-Hol Archive: Fri Oct 07 08:02:53 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' loSmaH jav
More of the same. Someone called this "a steady supply of
entertaining text" today. muQuchmoH. I think I have enough right now
to keep you entertained until American Thanksgiving.
Recap: ghutar returned to the bridge and relieved the FO of bridge duty.
46
"lugh ghutar," jatlh HoD. "yaH poHraj tIbuSHa'Qo'. 'a Sumejpa' nom
Qu'vam vIpoj.
"QapHa'choH chuyDaH patmaj. nutoDmeH vang DeghwI'ma', Hota'ro' lagh.
SovDajmo' laHDajmo' je jorbe' pIvghor. qaSqa'DI' Seng, nutoD Hung
yaSma' ghutar ne'. vIj lISmeH ghopDu''e' lo'. Heghqang 'ach wo'
toy'taHmeH toD yaS wa'DIchma' 'ungya Sogh 'ej Sommaj tI'ta'. batlh
vangta' Hoch. SanaD. 'a SuDublaH. ghutarvaD jatlhchoH HoD.
"bIlobchu'taH. bIyoH, bIvangrup 'ej pavDI' ghu' bI'ong. tlhIngan ghob
Dapabchu'." Hemba' ghutar, 'a taH HoD. "'a tlhoy bISey. De'
DalablaHtaHvIS mu'qaD DabachtaHmo' ghu'na' Da'ngu'be'pu'? QumwI'
Dalo'taHvIS, yIlachQo'. wa' jaj HoD SoH DaneH, qar'a'?"
"HIja' HoD!"
"bo'Dagh'a' Dalo'taHchugh lImlaH beqlIj. yIjottaH." largh HoD.
"quy'Ipmo' bIHe'So'taH. yagh 'up DacherghnISchoH. jagh 'up
DaHoHtaHvIS bI'emchugh bIHegh 'ej HeghlaH je maqochlI'. DaH puchpa'
wIHutlhmo' puchpa' ru' wIchernIS. qaStaHvIS Hogh veb yISay'moH SoH."[24]
"lu' HoD!" jang ghutar. HemtaH.
"SoH," DeghwI'vaD jatlh HoD. "yIQam." QamchoH be'.
"bIjot. bIjotchu'. bIval. bIqar. ghu' qubqu'vaD bIqeqchu'pu'mo'
mayIntaH. 'ej Deghvetlh DaHotDI' toQ moj Duj. 'ach bIjeQHa'. De'
DaSovchugh, SIbI' HoDvaD yIjatlh. ghu' Dangu'chugh, De' SovmeH HoD
yIja' ghIq yIjIH. potlh'a' De'? wuqnISchugh vay' wuqnIS HoD'e'.
bo'DaghHom yIlo'Qo'. vay' vIbuSHa' vIneHchugh vIwuq jIH. vay'
DaSovchugh DajatlhnIS. chu'HataHvIS tlham Duj DIngmoH vay' 'e' Dachup'a'?"
rav bejchoH DeghwI'. "ghobe' HoD."
"DeghwI'!" ra' HoD. "yIjaq!"
"ghobe' HoD!" jatlh Hota'ro', qu'taHvIS.
"qaq." jatlh HoD. "'bIjaqlaH 'e' vISov 'ach roD bemorngan[25] DaDa.
jIQongtaHvIS chovemqangmoHchu' 'e' vISovnIS." HoDpa' cha'meH SIq HoD.
"qawuvlaHbe'chugh bIlI'Ha'. choyaj'a'?"
"yaj HoD!" jatlh. qu'taH.
"maj. vangtaHvIS SuvwI' bIvaqmo' 'ej bIHaghmo' qaStaHvIS wa' Hogh,
Hoch ghutar Qu'Hom Data'nIS."
"SuvwI' Qu'Hommey vIta'mo' jIHem," jatlh, 'ej ghutarvaD monqu'.
----
SKI: praise and criticism are awarded in the post mission analysis.
----
[24] Klingon management doesn't use the bullshit sandwich feedback
technique. With them it's more like a boot: shiny and possibly sharp
and pointy on the top, stinky in the middle and with the bullshit on
the bottom layer.
[25] Completely gratuitous reference to an alien culture I used in a
series of stories maybe five or ten years ago. They were meek,
compared to Klingons, which is all you need to know for the
reference. I doubt we'll meet them this story.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol