tlhIngan-Hol Archive: Tue Oct 04 07:15:30 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay loSmaH wej
The continuing saga of Klingons continues.
Yesterday the captain asked ghutar why his spacesuit contained a lot
of blue ice.
43
jatlh ghutar "taDchoHpu'pa' 'ellaw', HoD."
"'a qatlh 'ellaH? chay' logh Sut chevlu'pu'?" jatlh HoD
"vIpe'." jatlh ghutar. qoghDaq taj HuSDI' ghutar, tlhoS beppu' vajar,
'ach Hung yaS nuH nge'chugh, Ha'qujDaj nge'. logh Sut QIHlaH 'etlh
yanbogh SuvwI' po' vaj pe'pu'mo' ghutar yay'be' HoD.
"bong Dape''a'?" jatlh HoD.
"ghobe' HoD. chIch vIpe'ta'. DujwIj vIHubmeH." jatlh ghutar
nuqjatlh? boHchoH HoD. taghqa', jatlh "ghutar ne', wo'vam
Datoy'laHtaHmo' jIbel. DaH lut naQ HIjatlh. potlh Danopchugh vaj
HughlIj vISIj. tlhegh DatoS 'e' Daqaw'a'?"
"lu' HoD." jatlh ghutar. ravDaq QottaH ghutar 'ej lut ja'chu'.
"tlhegh vItoStaHvIS, ngaDHa'mo' tlham tlhoS HoS choHwI' vIchagh. logh
Sut poghmey vItuQtaHmo' HoS choHwI' vI'uchqa'DI' tlhegh vI'uchHa' vaj
jIpum. Som Qargh vIvegh. ghIq Duj bIngDaq jIHuStaH. 'IH Hovmey. vIHo'
'ej Som vIlegh. QIH vIleghmo' qaQum 'e' vInID 'ach bIjangbe'."
mIv nuD HoD. loj QummeH DuQwI'. "bIDo'." jatlh HoD. "QummeH DuQwI'
wItlhlaw'pu' Som HeH jej. yInSIplIj chevlaH."
"tlhegh vItoSqa' 'e' vInID 'ach SomDaq vIHbogh vay' vIleghpu'mo'
jIyev. SomDaq vIH bIQtIqHey SuD. SomDaq chuch SuD law tu'lu' 'ej
vIHmoH vIj tuj. vIj vIbejtaHvIS pay' wanI' vIbejbogh vItlhoj. bo'Degh
maw' Da vIj. tlhe' 'ej tlhe'qa'," DelmeH ghop joqmoH 'e' nIDDI'
ghutar 'oy'qu'choH nItlhDu'Daj taD. vIj Heghbat Delta'bogh Hota'ro'
vIbejlI'. tlhe'qu'. tajvajDaj tIn law' wa' bID gho tIn puS. chaq
javmaH vatlhvI ghoDaq tlhe'. 'a jatlhpu' Hota'ro' lagh mevlaHbe'
DeghwI', 'ach vIjDaq chaq mevmoH vay'. Daqaw'a'?"[41]
qawchu' HoD.
"vIj vIghoSmeH tlheghwIj vItoS, ghIq vIvo'eghmeH Som vIpup. 'a vIj
vISIchmeH, tlhoy tIqHa' tlheghwIj 'e' vItlhoj. vaj vIvo'eghpu'DI'
tlhegh vIpe'. vIj vIQeqchu'. Duj tlhammo' vIj retlhDaq SomDaq
vIQotlaH. DIngchoH Duj, 'ach vIj vI'uchmo' jIpumbe'."
ghutar nejmeH DIng Duj 'e' qaw HoD. 'ach taHmeH ghutar qaghbe'.
---
SKI: ghutar started to explain how he ended up where the first
officer found him.
----
[41] And this, finally, is why I needed such an elaborately
distinctive malfunction in the beginning of the 'ay''a', and so much
chatter about it.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol