tlhIngan-Hol Archive: Tue Nov 22 08:25:41 2011
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' HutmaH wa': <ngoD tetlh>
<html>
<body>
At the end of 'ay''a' loS, merchant captain Mahoun and agricultural
scientist 'eSSIm were expressing distrust and suspicion of one another,
yet calling each other by bang pongmey all the same. Complicated
relationship. This 'ay''a' rewinds a little to retell part of loS
from another point of view before continuing the story. <br><br>
<div align="center">'ay''a' jav<br><br>
#91<br><br>
ngoD tetlh<br><br>
</div>
Qul yaHDaj retlhDaq jolpu' varSajIy. DotlhDaj chov 'eSSIm. mogh. mIS.
Suvrup SomrawDu'Daj 'oy' 'ej Qubqu'rupbe' yabDaj. Qob SIQchoHDI'
tlhIngan, SuvrupchoH porgh net Sov. SIgh'eghbogh Hap lIng porgh. HoSghaj
'ach QubnISDI' vay' nIS. voq'eghlaHbe'mo', Mahoun Dujvo' Haw'ta'. qachDaj
'el 'ej jot'eghmoHmeH tej Da. nav woH 'ej ngoDmey qonchoH. <br><br>
ngoD wa': nov ghaH Mahoun'e'. nach DuQwI' Hutlhbogh 'anDorngnan rur
yelwIyyItngan. jagh chaHbe' 'ach rut DIvI' luboQ. <br><br>
ngoD cha': Sotlaw'Hey[68] HIjta' Mahoun. Sotlaw' tlhIngan tlharghDuj.
<br><br>
ngoD wej: tlhIngan Hol tlhIbHa' jatlh Mahoun 'ej tlhIngan tIghmey Sov.
bIghHa'Daq ghojpu' jatlh. laHDaj QIjbe' lutvetlh.<br><br>
ngoD loS: cha'Hu' pujqu' 'e' Da Mahoun 'ach DaHjaj HoSqu'. <br><br>
ngoD vagh: ghoqwI' ghaH 'e' chID. <br><br>
Qubqa' 'eSSIm. chIDbej'a'? ghobe'. navDaq ngoD vagh choH.<br><br>
ngoD vagh: ghoqwI' ghaH 'e' tembe'. mutojpu' 'e' chID. <br><br>
qatlh tojpu'? wej yaj 'eSSIm. jatlh ?pagh vISorgh. Qu'wIj 'oHbe'bej.?
Qu'Daj QIjbe'pu' 'ach 'eSSIm HoHmeH 'eb jonbe'pu'.<br><br>
ngoD jav: DaHjaj vangbe'pu'chugh, jIHegh. muSaHbej 'e' Da. <br><br>
ngoD Soch: mupIlmoHmeH mIwmey Sovchu'. <br><br>
natlIS qIl 'eSSIm. potlhbe' 'ej ngoDna' 'oHbe'. vuD 'oH neH. nongDI'
tlhIngan, SIghbogh Hap lIng je porgh. yab nIS. chaq Mahoun SIgh je. SaH
'e' DataHvIS Mahoun, 'eSSIm SaHbej net HarlaHchu'. ngaghta'mo' pujmoHpu'
'e' qelDI' 'Ilqu'law' 'ej DIvlaw'. vaj qatlh tlhIngan Hol jatlhtaHvIS
tlhIbwI' DalaHbe'? <br><br>
tetlhDaj laDqa' 'eSSIm. DuHmey toghchoH.<br><br>
DuH wa': Suy ghaH 'ej DIvI'vaD ghoq je. ghoqwI' tlhIb ghaHmo' SIbI'
tlhIngan Hol jatlhHa' 'e' lIj 'ej bong tlhIngan SaHchoHbej. <br><br>
DuH cha': ghoqwI' po'qu' ghaH. DuH wa' HarmeH 'eSSIm, tlhIbwI' Dachu'taH
'ach Qu'DajvaD ram QaghmeyHeyvetlh. <br><br>
latlh DuH SImlaHbe' 'eSSIm. teHchugh DuH wa', vaj lI'laH. DIvI'vaD De'
ngeb noblaH. teHchugh DuH cha', rap ghu'. ghoqwI' ngoQ ngu'meH bejnIS
'eSSIm. De'wI' chu' 'ej QI'vaD jabbI'ID qonchoH. matlhchu' 'e' tob neH.
<br>
---<br>
SKI: Essim makes a list to work out what Mahoun is doing.<br>
----<br>
<font face="Times New Roman, Times">[68] It amuses me that the etymology
of Sotlaw' looks like ?is apparently in distress? and that I've added a
noun marker to give the same meaning again. Like French ?ma tante? (even
?ta ma tante? in Northern Quebec).<br>
</font></body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol