tlhIngan-Hol Archive: Sat Jan 15 20:10:57 2011
[Date Prev][Date Next][Thread Prev][Thread Next]
qoqqoqmey - jaj jav
- From: "ghunchu'wI' 'utlh" <[email protected]>
- Subject: qoqqoqmey - jaj jav
- Date: Sat, 15 Jan 2011 23:08:48 -0500
DaHjaj qoq ngo' wItI'choH.
vagh ben, Dajqu' Quj.
DoSDaHDaq mep ghomey lannIS qoq.
pIm DISvam Quj DoSmey, 'ej pIm chutmey law', 'ach rurchuq ngoq.
DoSnaQDaq mep Dochmey lannIS qoq.
vagh ben cha' qoqmey wIchenmoH.
ma'ovmeH wa' wIlo'. maqeqmeH latlh wIlo'.
qoq molmIchDaq loStaH vagh ben qeqmeH qoqmaj.
SaH baS Dopmey. SaH pIp rurbogh baS.
SaH DeS nap. SaH HoS QaywI'.
SaH nguSDI'mey. SaH HochHom rutlhmey.
latlh qoq ngo'vo' rutlhmey DIngIplaH.
SeHwI' pat Hutlh. qay'be', pat chu' wIjomrupmo'.
jIpawpa' tagh ghojwI'pu'.
'ul SIrgh ngo' teq.
rutlhmey jom.
QeyHa' mIrmey, 'ej loQ Qatlh QeymeH mIw, 'ach nguSDI' DIghongbe'chugh
Sengbe' mIr QeyHa'.
qoq SeHwI' pat ghunchoH wa' ghojwI'.
nom pat ghojtaH. ghojwI' po' ghaHbej.
DISvam Qu'wIj ngeD law' wa'ben Qu'wIj ngeD puS.
wa'leS vIHbeH qoq ngo'.
-- ghunchu'wI'