tlhIngan-Hol Archive: Fri Jan 14 10:28:51 2011
[Date Prev][Date Next][Thread Prev][Thread Next]
qoqqoqmey - jaj vagh
- From: "ghunchu'wI' 'utlh" <[email protected]>
- Subject: qoqqoqmey - jaj vagh
- Date: Fri, 14 Jan 2011 13:26:28 -0500
DaHjaj qechmey DInoH 'ej wa' wIwIv.
va, jInep. wIwIvta' net nab. luj nab.
QonoSHomvam DalaDDI', jIqej 'e' Datu'.
DubItmoHchugh ghumvam, bIlaD 'e' yImev.
qaStaH ghommaj DIS cha'maHDIch.
lurDech law' DIghaj.
qoq nab wIwIvmeH, mIw SeQ wIpab.
qechmey much ghomHommey. maleS. maQub.
qaStaHvIS cha'maH rep maQub neH. mangachbe'.
tagha' matay'taHvIS Hoch qechmey DIqel.
qech wIlagh 'ej 'ay'mey DInoH.
potlh'a'? potlhbe''a'? Hoch 'ay'vaD patlh wIper.
qech nIv wISammeH maSIm. nujang mIwvam.
mIw DevmeH ghom, Sap wa' DevwI'.
matagh, 'ej mIw pablaw'lI'.
Qaplaw'lI' ghom DevwI' je.
mI'mey wIv. qechmey noH.
'utmo' latlh Qu'mey, ghom wImej jIH, latlh boQpu' je.
QaptaH ghom 'e' wIpIH. maratlhnISbe' 'e' wIQub.
latlh DIta'meH ghom wIbuSHa'laH 'e' wIQub.
mamuj.
wanI' DIleghbe' maH, 'ach lIja' latlh.
mamejDI', choH DevwI' Dup. qaSpu'DI' noHta'ghach woD.
mIw pImqu' lIH.
pImchoH patlh'e' 'oSbogh mI'mey.
SImbe'. wIv neH. nI'qu'choH poH. paSchoH rep.
mejnIStaH 'op ghojwI'pu'.
ghom wImejHa' jIH, latlh boQpu' je.
rIn mIw 'e' wIpIH. wa' qoq qech wItu' 'e' wIpIH.
'ach mIS neH wISam. beptaH Hoch.
nom Dup QIv lon DevwI' 'ej Dupqoq chu' nID.
qech 'ay' 'ang 'ej qech maSbogh ghom ngu'meH ghopDu' togh.
nom qechmey wIv ghom, 'ach QaQ qechmey 'e' wIvoqlaHbe'.
Do'Ha' poH lI' natlhlu'pu' 'ej narghpu' DughmeH 'eb.
qoq nab wIghaj.
roD 'oghwI' ghomHom DIcher.
rutlh nguSDI' je nab wa' ghomHom.
DeS nab latlh.
'uchwI' nab ghomHom wejDIch.
'ul buS ghomHom loSDIch.
De'wI', SeHlaw je nab ghomHom vaghDIch.
'ach loj poH. tlheD Hoch.
wa'leS maghomqa'DI' chaq 'oghwI'pu' DIperlaH.
ghuy'cha', jIDoy'qu'.
-- ghunchu'wI'