tlhIngan-Hol Archive: Mon Oct 13 12:03:24 2008
[Date Prev][Date Next][Thread Prev][Thread Next]
Re: jIQubtaH
- From: Doq <[email protected]>
- Subject: Re: jIQubtaH
- Date: Mon, 13 Oct 2008 15:01:34 -0400
- Authentication-results: smtp07.embarq.synacor.com [email protected]; auth=pass (LOGIN)
- Dkim-signature: v=1; a=rsa-sha1; d=embarqmail.com; s=s012408; c=relaxed/simple; q=dns/txt; [email protected]; t=1223924496; h=From:Subject:Date:To:Mime-Version:Content-Type; bh=N5/TmRVXb7amymH7yOeRHYqluh8=; b=LZLWJBPkJmj/5ta8JhQirAwGtR/H8dXKPDtSOaj52uasRK0y6GRQkAMOmVe9Shp1 7QYRPpasIpnB2A+s/VyOA9kvZme3bekSi/z6hBvnPchYdX0j5Sp9KK5+HzhOvwMG;
- In-reply-to: <C517FFE4.25E5%[email protected]>
- References: <C517FFE4.25E5%[email protected]>
- X_cmae_category: 0,0 Undefined,Undefined
qa' tu'lu'bej. yItob:
porgh yIghoS. Qong'a'? Heghpu''a'? yIqIp.
vIHbe'chugh, ghaytan Heghpu'. qa' Hutlh.
DuqIpchugh, ghaytan yIn. qa' ghaj. HoS bortaS net Sov.
Doch 'oHbe'ba'. DaHotlaHbe'. HoSDo' rur. Daq Hutlh, 'ach porgh SeH.
porgh SeHlu'be'DI' Qonglu' pagh Heghlu'pu'. Dach qa'.
Dachchugh qa', taHtaH'a' qa'?
ghaytanHa' taHtaH. taHchugh, nuqDaq taHtaH? yIntaHvIS porgh, Daq Hutlh
qa'. Heghpu'DI' porgh, Daq Hutlh qa'.
qa'vaD Daq neH lalDan. poQ.
qa' Daq poQlu'chugh, loD vuv SuS 'e' poQbogh qoH rurlu'.
vIpoQbe'.
Doq
On Oct 12, 2008, at 9:26 PM, d'Armond Speers wrote:
>
> porgh tu'lu'ba'. qa' tu'lu'ba'be'. qa' tu'lu' 'e' Daqelchugh,
> chay' Datob?
> DatoblaHbe'.
>
> Hamlet yIqel:
>
> ---
> Hegh, Qong -- Qong neH. 'ej QongDI', tIq 'oy, wa'SanID Daw''e' je
> cho'nISbogh porghDaj rInmoHlaH net Har. yIn mevbogh mIwvam'e'
> wIruchqangbej!
>
> Hegh, Qong. QongDI', chaq naj. toH! waQlaw' ghu'vam! HeghDaq
> maQongtaHvIS tugh vay' wInajlaH! volchaHmajvo' jubbe'wI' bep
> wIwoDDI'. 'e'
> wIqelDI', maHeDnIS.
> ---
> (ghaytan loQ jIQagh; SoQvam vIqawchu'be'.)
>
> [Qong neH] 'oH vuDwIj'e'. yIyInchu': bIHeghDI' ghu' Sov pagh.
>
> --Holtej
>
>
>
> On 10/12/08 1:21 PM, "Doq" <[email protected]> wrote:
>
>> jIH nuq?
>>
>> qa' jIH'a'? porgh vIghajmo' qa' neH jIHbe'ba'. porghwIj teb'a'
>> qa'wIj?
>> QoghIjwIjDaq neH ghaH'a' qa'wIj? bemwIjDaq ghaH'a' qa'wIj? qa'wIj
>> ngaS'a' betleH vI'uchbogh? qa'wIj ngaS'a' nagh vI'uchbogh? jIHeghDI',
>> nuqDaq jIH? jIHtaH'a'? jImevchu''a' neH?
>>
>> jIjatlhtaHvIS, jatlh'a' QoghIjwIj? jatlh'a' qa'wIj?
>>
>> riQchoHchugh QoghIjwIj 'ej jatlhchoHlaHbe' nujwIj ghopDu'wIj je,
>> jatlhlaHtaH'a' qa'wIj?
>>
>> jatlhlaHbe'chugh QoghIjwIj mu'mey vIHutlhtaHvIS jIQubtaH'a'? chay'
>> jIQubtaH? jIQubtaHbej'a'?
>>
>> yInchoHDI' wa'DIch Dep, nuq Sop? puq lIng'a'? ghaytan 'op yInlI',
>> Sopbe', lIngbe', ghIq Hegh. ghIq latlh yInchoH. chaq SoplaH, 'ach
>> lInglaHbe'. Hegh.
>>
>> yInlaHbogh 'ej, SoplaHbogh 'ej lInglaHbogh Dep 'oH yInlaHbejbogh
>> Dep'e'. loDnI'meyDaj neH SuvlaH. wej yInlaH latlhmey.
>>
>> jIghoSnIS, 'ach jIQubnIStaH. ghaytanHa' jIyajchoHlaHchu'.
>>
>> Doq
>>
>>
>
>
>
>