tlhIngan-Hol Archive: Wed Jul 30 18:28:56 2008
[Date Prev][Date Next][Thread Prev][Thread Next]
«yIntaH»
- From: ghunchu'wI' <[email protected]>
- Subject: «yIntaH»
- Date: Wed, 30 Jul 2008 21:27:01 -0400
qep'a'Daq much vIghang. «lojmIt» Quj bertlham bom 'oH.
DIvI' Hol bombogh De'wI''e' naDev yIQoy:
http://www.youtube.com/watch?v=LxYfMRtun5w
ghIq tlhIngan Hol bom mu'mey tItIv.
***
***
yayna' chavlu'pu'.
DaH QonoS vIqon: tInqu' Qapla'.
jIyon jIja'DI' bo'DaghHom vIlo'bej.
'evnagh lojmIt QeD:
ta' wIta'nIS wIta'laHmo'.
Hoch luDo'moH ta'maj 'ach
Heghpu'wI' Do'moHbe'ba'.
'ach DuSaQnISmoHbe' Hoch bachHa'ghach qab.
bInIDnIStaHqu' neH lojchoHpa' chab.
vaj qaS QeD DabuSbogh.
'ej vaj HIch Dun Da'ogh.
tlho'laH SuqwI'pu'
'ej yIntaH.
SoHmo' jIQeHbe'.
DaH jI'Ilchu' 'e' vIlay'.
parmaqwIj DanuSpu' 'ej choHoHta'.
'ay'Du'wIj DawItlhta'.
ghIq qulDaq Hoch 'ay'wIj DawoD.
meQtaHvIS jI'oy'. jIbech
choQuchqu'moHmo'!
DaH tay'DI' De'Hommeyvam 'ang'egh tlhegh 'IH.
Dorpu' tobmeH poH 'ej pel'aQ ghorpa' wIlIH.
vaj jImeQlu'mo' jIbel.
Hoch tIghojpu'bogh tIqel.
tlho'laH ghojpu'wI'pu'
'ej yIntaH.
vaj HItlheD. yIruchqu'.
qoDDaq jIratlh 'e' vImaSlaw'.
chaq DuboQqangbogh latlhpu' DaSamlaH.
chaq boQqang «raSHuD qIj».
jIqIDtaH neH. ha, ha, DuHqoq.
toH Dunqu' chabvam net tu'.
'ey'qu' 'ej mumwI' yonmoH.
va jIjatlhtaHqu' 'utaHvIS QeD vISaHbogh.
Hur vIleghDI' SoH jIHbe'mo' Do'wIj vItogh.
ngongmey law' vIchernIS
nuvpu' vIQultaHvIS.
tlho'laH nuvpu'vam.
chaq yIntaH.
'ej jIH choHarlaHbej: jIyIntaH.
QeD vIta'bejlI' 'ej: jIyIntaH.
pe'vIl jIQuchqu' jIH: jIyIntaH.
bIHeghtaHvIS SoH: jIyIntaH.
'ej bIHeghpu'DI', toH: jIyIntaH.
jIyIntaH.
jIyIntaH.