tlhIngan-Hol Archive: Thu Mar 27 12:14:06 2003
[Date Prev][Date Next][Thread Prev][Thread Next]
RE: tlheDta''a' DloraH
- From: Eric Andeen <[email protected]>
- Subject: RE: tlheDta''a' DloraH
- Date: Thu, 27 Mar 2003 10:09:52 -0700
'ISqu':
> > noHmo' tlheDta''a' DloraH? Sov'a' vay'?
DloraH:
> wej. weywIjvo' ghoSta' 'op. jIloS.
>
> jISuvchugh, jIH mumuSbe' ghomvam vay' 'e' vItul.
> Qochbe' 'op Sep, 'ach Qoch 'op Sep. Qochlaw' Germany Sep.
> Qochchugh tlhIngan Hol jatlhwI', tlhIngan HolvaD maQumtaH 'e' vItul.
taghpa' noH'e', mangachlaHchu' 'ej maghoHlaHchu'. morgh QochwI'pu' net pIH.
'ach SuvchoHlu'pu'DI' choH ghu'. QochtaH HochHom QochwI'pu', 'ej morghtaH
'op. ngachnIStaH qumwI'pu'ma' 'ej QapnIStaH qum. qay'be'. 'ach SuvchoHpu'
ghotpu'na' 'ej HeghchoHpu' 'op (puSqu'jaj!), 'ej chaH DIvuvnISqu'. Suvbogh
negh'e' potlh law', ghoHbogh qumwI'pu' potlh puS. Suvbogh negh'e' potlh
law', Qochbogh rewbe' potlh puS. Suvbogh negh'e' potlh law', SuvmeH meq
potlh puS.
SuSuvmeH SughoSchugh, DloraH, latlh mangpu' je, batlh peSuv, Qu' yIta', 'ej
juHraj tIchegh.
pagh