tlhIngan-Hol Archive: Thu Jan 03 16:34:01 2002
[Date Prev][Date Next][Thread Prev][Thread Next]
Re: jIDevmo' 'oy' vISIQ
- From: [email protected]
- Subject: Re: jIDevmo' 'oy' vISIQ
- Date: Thu, 3 Jan 2002 21:34:01 GMT
> vaghHu' machegh be'nal jIH je.
> loSHu' QIn vIHev. rInta' HolQeD chu'.
> wejHu' vISuqmeH Suy vISuch. Hoch HolQeDmey ghaj wa' ngaSwI' tIn. 'ughqu'.
> jIDoghqu' 'ej vIwoH. DubwIj vIrIQmoH.
Do'Ha'. DubwIj vIrIQmoH je, 'ach jImI'taHvIS vIrIQmoH. "Spasm" 'oH. mu'vam
vIyajHa'pu'. SIbI' 'oy' 'ej tugh mev 'e' vIpIH, 'ach QIt 'oy'choH 'ej qaStaHvIS
wej jaj 'oy'taH.
jI'oy'mo' qaStaHvIS cha' jaj manga'chuqbe' bangwI' jIH je. ngoDvam qay'
law' 'oy'wIj qay' puS, 'ach wa'Hu' ram jIbelqa'. qay'be'.
DaH yInwIj vItIvchu'.
tugh jISaw. wej, jaj'a' wIwIvta'.
HutHu' *Philadelphia*Daq bangwI' qorDu' wISuch. maSopchu'. mabom. law'qu'
qorDu'vam nuvpu' 'ej bomchu' HochHom. *Christmas carols* DIbom.
chorghHu' maSuchtaH. maSopqa'chu'. cha' *piano*'a' lo' 'ej *Handel's Messiah*
wIbom.
SochHu' machegh. pov jIvumnIS. jIvumta'DI' malengrupchoH.
javHu' *North Carolina* wIghoS. maghIQ. Sum bIQ'a'. qaStaHvIS wej jaj mabuD.
maSopchu'. bangwI' vItlhob. jIjatlh HInay. bel. laj.
vaghHu' cha' jar maSovchuqchu' bangwI' jIH je. malop. maSopchu'.
loSHu' qoSwIj wIlop. maSopchu'.
wejHu' loQ maleng ghIq mamI'choH. ramjep malop.
cha'Hu' mamI'lI' 'ach DubwIj vIrIQmoH. 'oy'wIj vISIQtaHvIS QoQ 'eychu'
vItIv 'ej mI'taH juppu'wI' 'e' vIbej. qay'be'. 'oy'wIj vISaHbe'. juHDaq wIchegh.
wa'Hu' jIvumqa'. motlhchoH yIn 'ach jIbeltaH. QaQ yInvam. muQorgh bangwI'. nom
jIpIvchoHlI'.
> cha'Hu' vIvIHlaHbe'. jIQuchHa'qu'.
Do'Ha'. 'ach bISIQba'ta'. maj.
> wa'Hu' vIvIHlaHbe'qa'. jIQuchHa'qu'qa'.
Do'Ha'. bIQ tujqu'Daq yIlan'egh. yIratlh. bIrchoHDI' bIQvo' yIHaw'. tujchoHmeH
yIvang. yIQtaHmeH yIvangQo'.
> DaHjaj loQ vIvIH 'ej HocH HolQeDmey vIngeH.
> wa'leS chaq vIvIHchu' 'ach 'e' vIHonqu'.
bIvIHchoHchu' qatlh 'e' DapIH? not bIvIHlaHchu'.
SoHvaD bomHom vIqon:
Do 'oHbe' porghlIj Qu'.
belvaD neH DachenmoHlu'.
SKI: Lawrence is built for comfort, not for speed.
> SKI: Lawrence hurt his back, but the new issue of HolQeD has been mailed out.
charghwI'