tlhIngan-Hol Archive: Fri Mar 02 13:06:05 2001
[Date Prev][Date Next][Thread Prev][Thread Next]
jImugh 'ach tugh jImI'
- From: "William H. Martin" <[email protected]>
- Subject: jImugh 'ach tugh jImI'
- Date: Fri, 02 Mar 2001 16:05:34 -0500
qen mI'wI'pu' Huch vIvu'choH. batlh jIvang. Qu'vam vItoy'meH De'wI'wIj
vIpoQ.
qay'pu'mo' De'wI'wIj lururbogh De'wI'mey'e', De'wI'wIj chenmoHwI'pu'vaD
De'wI'wIj vItatlhnIS. ghorpa' HoSmoH luneH.
wa'maHHu' De'wI'vam HevmeH qengwI', jupvaD De'wI' vInob. yaHDaj vISuch.
jIjatlh <<nuqDaq vIlan?>>
jatlh jupwI' <<pa'>>.
jatlh chenmoHwI' <<qaSDI' vagh malja' jaj, SoHvaD De'wI'vam vItatlh.>>
DaHjaj jISIv. nuqDaq De'wI'wIj. jupwI' yaH vISuchqa'. Dach jupwI' 'ach SaH
De'wI'wIj. not pawpu' qengwI'. jIQeH.
De'wI'wIj vItlhap 'ej qengwI' vIrI'. DaH yaHwIjDaq vIloSlI'. tugh
pawbe'chugh qengwI' jIQay'bej.
DaHjaj ram jImI'. jImI'DI' jIQuchchoH, ach wej jImI'taH.
SarrIS