tlhIngan-Hol Archive: Wed May 26 03:22:15 1999
[Date Prev][Date Next][Thread Prev][Thread Next]
Re: nuq Qub latlhpu'? (KLBC)
- From: Carleton Copeland <[email protected]>
- Subject: Re: nuq Qub latlhpu'? (KLBC)
- Date: Wed, 26 May 1999 14:23:00 +-400
jatlh peHruS:
>ghItlh pImDaq <*tIlt*be' yuQ Qo'noS> vIlaDpu'. vaj *seasons* ghajbe'law'.
>*seasons* ghaj yuQmey toy'moHlu'pu'bogh: chovnatlhmey bIH *Trahn*'e'
>*Klairos*'e' je. Qo'noS Du'Daq wIjbej wIjwI'pu' 'e' wISov. poch 'ej yob.
>
>nuq Qub latlhpu'?
jIHvaD je Dajqu' Qo'noS yuQQeD HuchQeD je. jIQochbe'. bIHbej tlhingan wIjwI'pu''e'. Satlh lumagh chab, Dargh, HIq je. Satlh ghajbe'bogh yuQDaq 'oHbe'law' tayqeq'e' 'Itlh. chaq *nomads* bIH qeylIS SuvwI'pu''e'. Ha'DIbaH lusop. Satlh tayqeq lucharghDI' joH Segh moj. vaj nIvchoH SuvwI' tIghmey. Sa'pu'vaD yeq'a'mey nob ta'. Soghpu'vaD vengmey Du'mey je nob Sa'. chaq wej Qo'noSDaq notlhchoHpu' *feudalism*. tlhoS beQlaw' juHqo' 'ej *seasons* ghajbe' 'e' vIlaDpu' jIH je. qarlaw'. law'chugh bIQ'a' HuD thlegh'a' je, choHqu'chugh muD, wa'SaD vaghvatlh ben Hoch yuQ charghlaHpu'be' qeylIS. ghot law' mawlaw' qechvam. chaq Qub, qa' ral lughajchugh tlhinganpu', ghor muD je ral ghajbej tlhingan juHqo'.
tlhingan wo' mID bIH'a' *Trahn*'e' *Klairos*'e' je? vISovlaw'be'.
qa'ral
P.S. Dajatlh: "jIghelnIS: chay' pIm mu' {ruQ} mu' {raQ} je?" mu' {ghel} {pIm} je ghajbe' mu'ghom vIgherbogh. nuQ 'oS?